തൃശൂര്: വീഡിയോ കാണുന്നതിനിടെ മൊബൈല് ഫോണ് പൊട്ടിത്തെറിച്ച് എട്ട് വയസുകാരി മരിച്ചു. തിരുവില്വാമല പട്ടിപ്പറമ്പ് കുന്നത്ത് വീട്ടില് അശോക് കുമാറിന്റെ മകള് ആദിത്യശ്രീയാണ് മരിച്ചത്. ഇന്നലെ രാത്രിയാണ് സംഭവം. തിരുവില്വാമല ക്രൈസ്റ്റ് ന്യൂ ലൈഫ് സ്കൂളിലെ മൂന്നാം ക്ലാസ് വിദ്യാര്ത്ഥിനിയാണ് ആദിത്യശ്രീ. കുട്ടി മൊബൈല് ഫോണില് വീഡിയോ കണ്ടുകൊണ്ടിരിക്കെ മൊബൈല് ഫോണ് പൊട്ടിത്തെറിക്കുകയായിരുന്നുവെന്ന് വീട്ടുകാര് പറഞ്ഞു. പഴയന്നൂര് ബ്ലോക്ക് പഞ്ചായത്ത് അംഗമായിരുന്ന അശോക് കുമാറിന്റെ മകളാണ് ആദിത്യശ്രീ. പഴയന്നൂര് പൊലീസ് സ്ഥലത്തെത്തി അന്വേഷണം ആരംഭിച്ചു.