പൊന്നാനി: പൊന്നാനിയില് നിന്ന് 38 നോട്ടിക്കല് മൈല് അകലെ മത്സ്യബന്ധന ബോട്ടില് കപ്പലിടിച്ച് രണ്ട് മത്സ്യത്തൊഴിലാളികള് മരിച്ചു. സ്രാങ്ക് അഴീക്കല് സ്വദേശി അബ്ദുല്സലാം, പൊന്നാനി സ്വദേശി ഗഫൂര് എന്നിവരാണ് മരിച്ചത്. അഴീക്കല് സ്വദേശി മരക്കാട്ട് നൈനാറിന്റെ ഉടമസ്ഥതയിലുള്ള ഇസ്ലാഹി എന്ന ബോട്ടാണ് ഇന്ന് പുലര്ച്ചെ അപകടത്തില്പെട്ടത്. ഇടിയുടെ ആഘാതത്തില് ബോട്ട് രണ്ടായി മുറിഞ്ഞ് കടലില് താഴ്ന്നു. ബോട്ടിലുണ്ടായിരുന്ന ആറുപേരില് നാലുപേരെ കപ്പലില് ഉണ്ടായിരുന്നവര് രക്ഷപ്പെടുത്തി. കടലില് മുങ്ങിപ്പോയ ബാക്കി രണ്ടുപേര്ക്കായുള്ള തിരച്ചില് തുടരുന്നതിനിടയിലാണ് മൃതദേഹങ്ങള് കണ്ടെത്തിയത്. ഇരുവരുടെയും ദേഹത്ത് മുറിവുകളുണ്ട്. അപകടമുണ്ടാക്കുന്ന വിധം തീരത്തോട് ചേര്ന്നാണ് കപ്പല് സഞ്ചരിച്ചിരുന്നതെന്ന് മത്സ്യത്തൊഴിലാളികള് പറഞ്ഞു.
