ന്യൂഡെല്ഹി: വാക്സിന് വിതരണത്തിന് മുന്നോടിയായി രാജ്യത്ത് വീണ്ടും ഡ്രൈ റണ് നടത്താനൊരുങ്ങി കേന്ദ്രസര്ക്കാര്. വെള്ളിയാഴ്ച രാജ്യത്തെ മുഴുവന് ജില്ലകളിലും ഡ്രൈ റണ് നടത്തുമെന്ന് കേന്ദ്ര ആരോഗ്യമന്ത്രാലയം അറിയിച്ചു. രാജ്യത്തെ 116 ജില്ലകളിലെ 259 കേന്ദ്രങ്ങളിലായി നുവരി രണ്ടിന് ഡ്രൈറണ് നടന്നിരുന്നു.
ഇത് വിജയകരമായിരുന്നെന്നും, ഇതിലെ ഫലങ്ങള് കൂടി വിലയിരുത്തിയാകും എങ്ങനെ വാക്സീന് വിതരണം നടത്തണമെന്ന നടപടിക്രമങ്ങള് അന്തിമമായി തീരുമാനിക്കുകയെന്നും കേന്ദ്ര ആരോഗ്യമന്ത്രാലയം നേരത്തേ വ്യക്തമാക്കിയിരുന്നു. സംസ്ഥാനങ്ങള്ക്കുള്ള വാക്സീന് വിതരണം ജനുവരി 13ന് തുടങ്ങാമെന്നാണ് കേന്ദ്ര ആരോഗ്യമന്ത്രാലയം വ്യക്തമാക്കിയിരുന്നത്. ഇതിന് മുന്നോടിയായാണ് വീണ്ടും ഡ്രൈറണ് നടത്തുന്നത്.