സൂര്യക്കും ദുല്‍ഖറിനുമൊപ്പം നസ്രിയ

1965-ല്‍ തമിഴ്‌നാട്ടില്‍ നടന്ന ഹിന്ദി വിരുദ്ധ പ്രസ്ഥാനത്തെ ആസ്പദമാക്കിയാണ് ചിത്രം ഒരുങ്ങുന്നതെന്ന റിപ്പോര്‍ട്ടുകള്‍.
തമിഴ് സിനിമയിലെ മുന്‍നിര നായകന്മാരില്‍ ഒരാളായ സൂര്യ ഇപ്പോള്‍ ശിരുത്തൈ ശിവ സംവിധാനം ചെയ്യുന്ന 'ഗംഗുവ'യിലാണ് അഭിനയിക്കുന്നത്. ഇതിന്റെ ഷൂട്ടിംഗ് അവസാന ഘട്ടത്തിലാണ്.
ഈ ചിത്രത്തിന് ശേഷം സുധ കൊങ്കര സംവിധാനം ചെയ്യുന്ന ചിത്രത്തിലാണ് സൂര്യ അഭിനയിക്കുന്നത് എന്നും ഈ ചിത്രത്തില്‍ സൂര്യക്കൊപ്പം ദുല്‍ഖര്‍ സല്‍മാനും അഭിനയിക്കുന്നുണ്ട് എന്നുള്ള വിവരം നേരത്തെ നല്‍കിയിരുന്നു.
കഴിഞ ദിവസം ഈ ചിത്രത്തിന്റെ പ്രഖ്യാപനം നടന്നതില്‍ നിന്നും ഈ ചിത്രത്തില്‍ നായികയായി അഭിനയിക്കുന്നത് നസ്രിയ ഫഹദ് ഫാസിലാണെന്നുള്ള വിവരവും പുറത്തുവന്നിട്ടുണ്ട്.
2014-ല്‍ പുറത്തിറങ്ങിയ 'തിരുമണം എന്നും നിക്കാഹ്' എന്ന ചിത്രമാണ് സസ്രിയ തമിഴില്‍ അഭിനയിച്ചു പുറത്തുവന്ന അവസാനത്തെ ചിത്രം. ഏകദേശം 9 വര്‍ഷങ്ങള്‍ക്ക് ശേഷം നസ്രിയ തമിഴില്‍ റീ-എന്‍ട്രിയാകുന്ന ഈ ചിത്രം സൂര്യയുടെ 43-ാമത്തെ ചിത്രമാണ്. സൂപ്പര്‍ഹിറ്റായ 'സൂരറൈ പോട്രു' എന്ന ചിത്രത്തിന് ശേഷം സുധാകൊങ്കരയും സൂര്യയും വീണ്ടും ഒന്നിക്കുന്ന ഈ ചിത്രത്തിനും 'സൂരായി പോട്രു'വിന് സംഗീതം നല്‍കിയ ജി.വി.പ്രകാശ് തന്നെയാണ് സംഗീതം ഒരുക്കുന്നത്. ഇത് ജി.വി. പ്രകാശിന്റെ നൂറാമത്തെ ചിത്രം കൂടിയാണ്. സൂര്യയുടെ '2ഡി'യാണ് ചിത്രം നിര്‍മ്മിക്കുന്നത്.
1965-ല്‍ തമിഴ്‌നാട്ടില്‍ നടന്ന ഹിന്ദി വിരുദ്ധ പ്രസ്ഥാനത്തെ ആസ്പദമാക്കിയാണ് ചിത്രം ഒരുങ്ങുന്നതെന്ന റിപ്പോര്‍ട്ടുകള്‍.
സുധ കൊങ്കര ഇപ്പോള്‍ സംവിധാനം ചെയ്തു വരുന്ന ചിത്രം 'സൂരായി പോട്രു'വിന്റെ ഹിന്ദി റീമേക്കാണ്. അടുത്തുതന്നെ ഈ ചിത്രം റിലീസാകാനിരിക്കുകയാണ്.

-ഷാഫി തെരുവത്ത്‌