തിരുവനന്തപുരം: ആഴക്കടല് മത്സ്യബന്ധനവുമായി ബന്ധപ്പെട്ടുള്ള കരാര് വിവാദമായ സാഹചര്യത്തില് ധാരണാപത്രം റദ്ദാക്കാന് മുഖ്യമന്ത്രി ഉത്തരവിട്ടു. കരാറുമായി ബന്ധപ്പെട്ട് ഇഎംസിസിയുമായുള്ള വിവാദ ധാരണപത്രം റദ്ദാക്കാനും കേരള ഷിപ്പിംഗ് ആന്ഡ് ഇന്ലാന്ഡ് നാവിഗേഷന് ഉദ്യോഗസ്ഥര്ക്കെതിരേ അന്വേഷണം നടത്താനും മുഖ്യമന്ത്രി പിണറായി വിജയന് ഉത്തരവിട്ടു.
ധാരണപത്രം സംബന്ധിച്ച് പരിശോധന നടത്തുമെന്ന് കഴിഞ്ഞ ദിവസം മുഖ്യമന്ത്രി പറഞ്ഞിരുന്നു. ആഴക്കടല് മത്സ്യബന്ധനത്തിന് സംസ്ഥാന സര്ക്കാരോ ഏതെങ്കിലും വകുപ്പുകളോ അനുമതി നല്കുകയോ ധാരണപത്രം ഒപ്പിടുകയോ ചെയ്തിട്ടില്ലെന്ന് മുഖ്യമന്ത്രി പറഞ്ഞു.