കൊച്ചി: മീഡിയ വണ് ചാനലിന് എതിരെ കേന്ദ്രം ഏര്പ്പെടുത്തിയ വിലക്ക് തുടരും. സിംഗിള് ബെഞ്ച് ഉത്തരവിനെതിരായ ഉത്തരവ് ഡിവിഷന് ബെഞ്ച് തള്ളി. സിംഗിള് ബെഞ്ചിന്റെ ഉത്തരവില് ഇടപെടേണ്ടതില്ലെന്ന് ഹൈക്കോടതി ഉത്തരവില് വ്യക്തമാക്കി. മീഡിയ വണ് ചാനലിന്റെ സംപ്രേഷണം കേന്ദ്രസര്ക്കാര് വിലക്കിയതിനെതിരെയുള്ള ഹര്ജി ഹൈക്കോടതി സിംഗിള് ബെഞ്ച് ശരിവെച്ചിരുന്നു. ഇതിനെതിരെ നല്കിയ അപ്പീലാണ് ഇപ്പോള് ചീഫ് ജസ്റ്റിസ് ഉള്പ്പെട്ട ഡിവിഷന് ബെഞ്ച് തള്ളിയത്.
ചാനല് ഉടമകളായ മാധ്യമം ബ്രോഡ്കാസ്റ്റിംഗ് ലിമിറ്റഡും ചാനല് ജീവനക്കാരും കേരള പത്രപ്രവര്ത്തക യൂണിയനും നല്കിയ അപ്പീലുകളാണ് ചീഫ് ജസ്റ്റിസ് അടങ്ങുന്ന ഡിവിഷന് ബെഞ്ച് തള്ളിയത്.