കൊച്ചി: മുന് മുഖ്യമന്ത്രി ഉമ്മന്ചാണ്ടിയെ വധിക്കാന് ശ്രമിച്ച കേസില് മൂന്ന് പ്രതികള് കുറ്റക്കാരാണെന്ന് കണ്ണൂര് സബ് കോടതി വിധിച്ചു. 110 പ്രതികളെ കോടതി വെറുതെ വിട്ടുകയും ചെയ്തു. ദീപക്, സി.ഒ.ടി നസീര്, ബിജു പറമ്പത്ത് എന്നിവരെയാണ് കോടതി കുറ്റക്കാരാണെന്ന് വിധിച്ചത്. മുന് എം.എല്.എമാരായ സി. കൃഷ്ണന്, കെ.കെ നാരായണന് അടക്കമുള്ളവരെ വിട്ടയച്ചു.
2013 ഒക്ടോബര് 27നായിരുന്നു കേസിനാസ്പദമായ സംഭവം. കാറിന് നേരെയുണ്ടായ കല്ലേറില് ചില്ല് തകര്ന്ന് ഉമ്മന്ചാണ്ടിക്ക് പരിക്കേറ്റിരുന്നു. ആയുധം കൊണ്ട് പരിക്കേല്പ്പിക്കല്, പൊതുമുതല് നശിപ്പിക്കല് എന്നീ രണ്ട് വകുപ്പുകളാണ് പ്രതികള്ക്കെതിരെ തെളിയിക്കാന് കഴിഞ്ഞത്. വധശ്രമം, ഗൂഢാലോചന, പൊലീസിനെ ആക്രമിച്ച് പരിക്കേല്പ്പിക്കല് അടക്കമുള്ള വകുപ്പുകള് തെളിയിക്കാനായില്ല.