ബദിയടുക്ക: കാര് നിയന്ത്രണം വിട്ട് അറുപതടി താഴ്ചയിലേക്ക് മറിഞ്ഞു. കാറിലുണ്ടായിരുന്ന ലൈന്മാന് നിസാരപരിക്കുകളോടെ രക്ഷപ്പെട്ടു. പെര്ള കെ.എസ്.ഇ.ബി സെക്ഷന് ഓഫീസിലെ ലൈന്മാന് ഉദയ(40)നാണ് പരിക്കേറ്റത്. ഉദയനെ ആസ്പത്രിയില് പ്രവേശിപ്പിച്ചു. ഇന്ന് രാവിലെ ബദിയടുക്ക-പെര്ള റോഡിലെ കെടഞ്ചിയിലാണ് അപകടമുണ്ടായത്. ബദിയടുക്കയില് നിന്ന് പെര്ളയിലേക്ക് പോകുകയായിരുന്ന കാര് നിയന്ത്രണം വിട്ട് റോഡരികിലെ ഒരു വീടിന്റെ മുന്വശത്തെ ഷീറ്റിന് മുകളിലേക്ക് വീഴുകയും അവിടെ നിന്ന് താഴ്ചയിലേക്ക് പതിക്കുകയുമായിരുന്നു. അപകടത്തില് കാറിന്റെ മുന്വശം പൂര്ണമായും തകര്ന്നു.