തിരുവനന്തപുരം: സംസ്ഥാന സര്ക്കാരിന്റെ സ്വപ്ന പദ്ധതിയായ കെ-റെയില് സില്വര് ലൈന് പദ്ധതിയുടെ ഡി.പി.ആര് പുറത്തുവിട്ടതിന് പിന്നാലെ പ്രതികരണവുമായി വി ഡി സതീശന്. ഇപ്പോഴെങ്കിലും പുറത്തു വിടാന് സര്ക്കാര് തയാറായത് പ്രതിപക്ഷത്തിന്റെ രാഷ്ട്രീയ വിജയമാണ്. 3700 പേജുകളുള്ള ഡി.പി.ആര് യു.ഡി.എഫ് സമിതി പഠിക്കും. സാമ്പത്തിക, സാങ്കേതിക, പരിസ്ഥിതി വിദഗ്ധരുമായി നേരിട്ട് ചര്ച്ച നടത്തും. വി.ഡി. സതീശന് പറഞ്ഞു.
മുഖ്യമന്ത്രിയുടെ സന്നിധ്യത്തില് ചേര്ന്ന യോഗത്തില് കെ-റെയില് ഡി.പി.ആര് പ്രതിരോധ വിവരങ്ങള് അടങ്ങിയ രഹസ്യരേഖയാണെന്നാണ് മുഖ്യവിവരാവകാശ കമീഷണര് പറഞ്ഞത്. അന്വര് സാദത്ത് എം.എല്.എ അവകാശ ലംഘനത്തിന് നോട്ടീസ് നല്കിയപ്പോഴാണ് ഡി.പി.ആര് പുറത്തുവന്നത്. ഇപ്പോള് രഹസ്യ സ്വഭാവം എവിടെ പോയി. ഡി.പി.ആര് പുറത്തു കാണിച്ചാല് പദ്ധതിയെ കുറിച്ച് കെട്ടിപ്പൊക്കിയ കഥകള് ചീട്ടുകൊട്ടാരം പോലെ തകര്ന്നു പോകുമെന്ന് സര്ക്കാറിന് അറിയാം. അതുകൊണ്ടാണ് ഇതുവരെ രഹസ്യമാക്കി വച്ചത്. പ്രതിപക്ഷം ഉയര്ത്തിയ ചോദ്യങ്ങള്ക്ക് ഈ ഡി.പി.ആറില് മറുപടിയില്ല. അതിനാലാണ് മുഖ്യമന്ത്രിയും മറുപടി പറയാത്തത്. അദ്ദേഹം ആരോപിച്ചു.