ഷാരൂഖ് ഖാന്റെ 60-ാം ജന്മദിനത്തില്‍ പതിവ് 'മന്നത്ത് യാത്ര' യുമായി മുംബൈയിലെ വീട്ടിന് മുന്നിലെത്തി കൊല്‍ക്കത്തയിലെ ആരാധകര്‍
180-ലധികം നഗരങ്ങളില്‍ നിന്നുള്ള ആരാധകര്‍ ഈ വര്‍ഷം മുംബൈയില്‍ ഒത്തുകൂടി
നവംബര്‍ 2 ബോളിവുഡ് സൂപ്പര്‍സ്റ്റാറിന്റെ 60-ാം ജന്മദിനമാണ്. ഇന്ത്യയിലെങ്ങുമുള്ള താരത്തിന്റെ ആരാധകര്‍ ജന്മദിന ആശംസകള്‍ അറിയിക്കുന്നത് പതിവാണ്. എന്നാല്‍ ഇതിന് വ്യത്യസ്തമായി ജന്മദിനാഘോഷങ്ങളില്‍ പങ്കെടുക്കാന്‍ കൊല്‍ക്കത്തയില്‍ നിന്നുള്ള ഒരു കൂട്ടം ഷാരൂഖ് ഖാന്റെ ആരാധകര്‍ വര്‍ഷം തോറും മുംബൈയിലേക്ക് യാത്ര ചെയ്യുന്നത് പതിവാണ്. ഇത്തവണയും ആ യാത്ര തുടര്‍ന്നു. കടലിനഭിമുഖമായുള്ള അദ്ദേഹത്തിന്റെ പ്രശസ്തമായ ബംഗ്ലാവായ മന്നത്തിന് പുറത്ത് രാജ്യമെമ്പാടുമുള്ള നൂറുകണക്കിന് ആരാധകരോടൊപ്പം അവര്‍ ഒത്തുകൂടി.
ടീം ഷാരൂഖ് ഖാന്‍ ഫാന്‍ ക്ലബ്ബിന്റെ ഭാഗമായ ഒമ്പതംഗ കൊല്‍ക്കത്ത സംഘം അവരുടെ വാര്‍ഷിക യാത്രയെ 'മന്നത്ത് യാത്ര' എന്നാണ് വിളിക്കുന്നത്. സുമിത് (32, സെയില്‍സ്), പായല്‍ (30, റീട്ടെയിലിലെ എച്ച്ആര്‍ മാനേജര്‍), നിഖില്‍ (27, ബിസിനസ്), റാകിബ് (24, അക്കൗണ്ട്), സുചേത (27, ട്രാവല്‍ ഇന്‍ഡസ്ട്രി), സൗരവ് (33, സംരംഭകന്‍), സഞ്ജയ് (39, നിയമ സ്ഥാപനം), സോമദത്ത (22, കോളേജ് വിദ്യാര്‍ത്ഥി), താര (30, ഐടി പ്രൊഫഷണല്‍) എന്നിവരടങ്ങുന്ന സംഘം നവംബര്‍ 1 ന് ട്രെയിനിലും വിമാനത്തിലുമായാണ് മുംബൈയിലെത്തിയത്. ജന്മദിനം ആഘോഷിക്കാന്‍ ഇവരെല്ലാം പതിവുപോലെ ഒരേസമയത്ത് തന്നെ മന്നത്തെ വീട്ടിന് മുന്നിലെത്തി.
'എല്ലാ വര്‍ഷവും നവംബര്‍ 1-ന് മുമ്പ് ഞങ്ങളുടെ മാന്ത്രികന്റെ ജന്മദിനം ആഘോഷിക്കാന്‍ ഞങ്ങള്‍ മുംബൈയില്‍ എത്തുമെന്ന് ഉറപ്പാക്കുന്നു,' - എന്ന് ഗ്രൂപ്പ് അഡ്മിന്‍മാരില്‍ ഒരാളായ പായല്‍ പറഞ്ഞു. 'ഷാരൂഖ് ഖാനെ കണ്ടുമുട്ടുക എന്നത് മാത്രമല്ല - അദ്ദേഹം പ്രതിനിധീകരിക്കുന്ന ആത്മാവിനെ ആഘോഷിക്കുക എന്നതാണ്. മന്നത്ത് ഞങ്ങള്‍ക്ക് ഒരു വികാരമാണ്.'
ഷാരൂഖ് ഖാന്റെ ബാനറില്‍ 180-ലധികം നഗരങ്ങളില്‍ നിന്നുള്ള ആരാധകര്‍ ഈ വര്‍ഷം മുംബൈയില്‍ ഒത്തുകൂടി, ഇത് രാജ്യത്തെ ഏറ്റവും വലിയ സംഘടിത ആരാധക സമൂഹങ്ങളിലൊന്നായി വളര്‍ന്നു. ആഘോഷങ്ങളില്‍ 300-ലധികം അംഗങ്ങളുള്ള ടീം പങ്കെടുത്തു. ഉച്ചഭക്ഷണം, ഷാരൂഖ് ഖാന്‍ ഒരുക്കിയ പാര്‍ട്ടി, കേക്ക് മുറിക്കല്‍, വിപുലമായ പരിപാടികള്‍ എന്നിവ ആഘോഷങ്ങളില്‍ ഉള്‍പ്പെടുന്നു.
'അര്‍ദ്ധരാത്രിയില്‍, മന്നത്തിനെ ഒരു നോക്ക് കാണാന്‍ ഞങ്ങള്‍ എല്ലാവരും മന്നത്തിന് മുന്നില്‍ ഒത്തുകൂടുന്നു. ആളുകള്‍ പാടുന്നു, നൃത്തം ചെയ്യുന്നു, താരത്തിന്റെ പേര് വിളിച്ചുപറയുന്നു. ഇത് ശുദ്ധമായ സ്‌നേഹമാണ്,' - എന്നാണ് കൊല്‍ക്കത്ത ചാപ്റ്ററിന്റെ മറ്റൊരു അഡ്മിന്‍ സുമിത് പറഞ്ഞത്.
2019 മുതല്‍ കൊല്‍ക്കത്ത ടീം ദേശീയ ആരാധക ശൃംഖലയുടെ ഭാഗമാണ്, വര്‍ഷം മുഴുവനും ജീവകാരുണ്യ പ്രവര്‍ത്തനങ്ങളിലും പ്രമോഷണല്‍ പരിപാടികളിലും സജീവമായി ഏര്‍പ്പെടുന്നു.
'ഞങ്ങള്‍ ആരാധകര്‍ മാത്രമല്ല, കുടുംബമാണ്,' - എന്ന് കൊല്‍ക്കത്ത ചാപ്റ്റര്‍ കൈകാര്യം ചെയ്യുന്ന റാകിബ് പറഞ്ഞു. 'ഷാരൂഖുമായുള്ള ഞങ്ങളുടെ ബന്ധം സിനിമയ്ക്ക് അതീതമാണ് . അത് പോസിറ്റിവിറ്റി, ദയ, വലിയ സ്വപ്നങ്ങള്‍ എന്നിവയെക്കുറിച്ചാണ്. ഞങ്ങള്‍ യഥാര്‍ത്ഥത്തില്‍ ജീവിക്കുന്നത്: ഒരിക്കലും സ്വപ്നം കാണുന്നത് നിര്‍ത്തരുത്' എന്ന അദ്ദേഹത്തിന്റെ വാക്കുകളിലൂടെയാണ്.
ടീമിന്റെ ബംഗാള്‍ മാനേജര്‍ നിഖിലിനെ സംബന്ധിച്ചിടത്തോളം, മന്നത്തിലേക്കുള്ള വാര്‍ഷിക യാത്ര വിശ്വാസത്തിന്റെ ഒരു ആചാരമാണ്. 'നവംബര്‍ 2 ന് മന്നത്തിന് പുറത്ത് നില്‍ക്കുമ്പോള്‍ സ്വന്തം വീട്ടിലാണെന്ന് തോന്നുന്നു. നമ്മള്‍ അദ്ദേഹവുമായി എത്രത്തോളം അടുക്കുന്നു എന്നതല്ല, മറിച്ച് വലിയൊരു കാര്യത്തിന്റെ ഭാഗമാകുക എന്നതാണ് എന്നും അദ്ദേഹം പറഞ്ഞു.
