സംസ്ഥാന ചലച്ചിത്ര അവാര്‍ഡുകള്‍ പ്രഖ്യാപിച്ചു; മികച്ച നടന്‍ മമ്മൂട്ടി, നടി ഷംല ഹാസ, മികച്ച ജനപ്രീതി ചിത്രം പ്രേമലു
ഇത് എട്ടാം തവണയാണ് മമ്മൂട്ടി മികച്ച നടനാകുന്നത്
തൃശ്ശൂര്‍: 55-ാമത് കേരള സംസ്ഥാന ചലച്ചിത്ര അവാര്‍ഡുകള്‍ പ്രഖ്യാപിച്ചു. തൃശൂരില്‍ വച്ച് നടന്ന ചടങ്ങില്‍ സാസ്‌കാരിക മന്ത്രി സജി ചെറിയാന്‍ ആണ് അവാര്‍ഡുകള്‍ പ്രഖ്യാപിച്ചത്. ഭ്രമയുഗം എന്ന ചിത്രത്തിലെ അഭിനയത്തിന് മമ്മൂട്ടി മികച്ച നടനായി തെരഞ്ഞെടുക്കപ്പെട്ടു. ഇത് എട്ടാം തവണയാണ് മമ്മൂട്ടി മികച്ച നടനാകുന്നത്. രാഹുല്‍ സദാശിവന്‍ സംവിധാനം ചെയ്ത ചിത്രത്തില്‍ കൊടുമണ്‍ പോറ്റി എന്ന കഥാപാത്രത്തെയായിരുന്നു മമ്മൂട്ടി അവതരിപ്പിച്ചത്. ആസിഫ് അലി, വിജയരാഘവന്‍, ടൊവിനോ തോമസ്, സൗബിന്‍ എന്നിവരെ പിന്തള്ളിയാണ് മമ്മൂട്ടി മികച്ച നടനായത്.
ഫെമിനിച്ചി ഫാത്തിമയിലൂടെ മികച്ച നടിയായി ഷംല ഹാസയെ തെരഞ്ഞെടുത്തു. പ്രേമലു ആണ് മികച്ച ജനപ്രീതി ചിത്രം. സിദ്ദാര്‍ത്ഥ് ഭരതനും, സൗബിന്‍ ഷാഹിറും മികച്ച സ്വഭാവ നടന്മാരായി തിരഞ്ഞെടുത്തു. നവാഗത സംവിധായകനുള്ള പുരസ്‌ക്കാരം ഫെമിച്ചി ഫാത്തിമയുടെ സംവിധായകന്‍ ഫാസില്‍ മുഹമ്മദിന് ലഭിച്ചു.
ചലച്ചിത്ര അവാര്‍ഡുകള്‍ ഇങ്ങനെ
മികച്ച ചലചിത്രഗ്രന്ഥം- പെണ്‍പാട്ട് താരകള്‍ ( സിഎസ് മീനാക്ഷി)
മികച്ച ചലച്ചിത്ര ലേഖനം- മറയുന്ന നാലുകെട്ടുകള്‍ (ഡോ. വത്സന്‍ വാതുശേരി)
പ്രത്യേക ജൂറി പുരസ്‌കാരം സിനിമ- പാരഡൈസ് (സംവിധാനം പ്രസന്ന വിത്തനാഗെ)
മികച്ച വിഷ്വല്‍ എഫക്ട്‌സ്- ജിതിന്‍ഡ ലാല്‍, ആല്‍ബര്‍ട്, അനിത മുഖര്‍ജി(എആര്‍എം)
നവാഗതസംവിധായകന്‍ ഫാസില്‍ മുഹമ്മദ് - ഫെമിനിച്ചി ഫാത്തിമ
ജനപ്രീതി ചിത്രം- പ്രേമലു
നൃത്ത സംവിധാനം- സുമേഷ് സുന്ദര്‍(ബൊഗൈന്‍വില്ല)
ഡബ്ബിങ് ആര്‍ട്ടിസ്റ്റ് - സയനോര ഫിലിപ്പ്(ബറോസ്)
ഡബ്ബിങ് ആര്‍ട്ടിസ്റ്റ്- ഫാസി വൈക്കം(ബറോസ്)
കോസ്റ്റ്യൂം- സമീര സനീഷ് (രേഖാചിത്രം, ബൊഗൈന്‍വില്ല)
മേക്കപ്പ് ആര്‍ട്ടിസ്റ്റ്- റോണക്‌സ് സേവ്യര്‍ (ബൊഗെയ്ന്‍വില്ല, ഭ്രമയുഗം)
കളറിസ്റ്റ്- ശ്രിക് വാര്യര്‍ (മഞ്ഞുമ്മല്‍ ബോയ്‌സ്, ബൊഗെയ്ന്‍വില്ല)
ശബ്ദരൂപകല്‍പന- ഷിജിന്‍ മെല്‍വിന്‍(മഞ്ഞുമ്മല്‍ ബോയ്‌സ്)
സിങ്ക് സൗണ്ട് - അജയന്‍ അടാട്ട് (പണി)
കലാസംവിധായകന്‍ - അജയന്‍ ചാലിശേരി (മഞ്ഞുമ്മല്‍ ബോയ്‌സ്)
ചിത്രസംയോജകന്‍ സൂരജ് ഇ എസ് (കിഷ്‌കിന്ധാ കാണ്ഡം)
പിന്നണി ഗായിക- സെബ ടോമി(അം അ)
പിന്നണി ഗായകന്‍- ഹരി ശങ്കര്‍(എആര്‍എം)
പശ്ചാത്തല സംഗീതം-ക്രിസ്റ്റോ സേവ്യര്‍ (ഭ്രമയുഗം)
സംഗീത സംവിധയകന്‍- സുഷിന്‍ ശ്യാം
ഗാനരചയിതാവ്- വേടന്‍ (വിയര്‍പ്പ് തുന്നിയിട്ട കുപ്പായം)- മഞ്ഞുമ്മല്‍ ബോയ്‌സ്
ഛായാഗ്രഹണം- ഷൈജു ഖാലിദ് (മഞ്ഞുമ്മല്‍ ബോയ്‌സ്)
തിരക്കഥാകൃത്ത്- ചിദംബരം (മഞ്ഞുമ്മല്‍ ബോയ്‌സ്)
മികച്ച കഥാകൃത്ത്- പ്രസന്ന വിത്തനാഗെ (പാരഡൈസ്)
സ്വഭാവനടി - ലിജോമോള്‍ (നടന്ന സംഭവം)
സ്വഭാവ നടന്‍- സൗബിന്‍(മഞ്ഞുമ്മല്‍ ബോയ്‌സ്), സിദ്ധാര്‍ത്ഥ് ഭരതന്‍(ഭ്രമയുഗം)
സംവിധായകന്‍- ചിദംബരം(മഞ്ഞുമ്മല്‍ ബോയ്‌സ്)
മികച്ച രണ്ടാമത്തെ ചിത്രം- ഫെമിനിച്ചി ഫാത്തിമ
മികച്ച ചിത്രം- മഞ്ഞുമ്മല്‍ ബോയ്‌സ്
പ്രത്യേക ജൂറിപരാമര്‍ശം(അഭിനയം)- ജോതിര്‍മയി ((ബൊഗൈന്‍വില്ല)
പ്രത്യേക ജൂറിപരാമര്‍ശം(അഭിനയം)- ദര്‍ശന രാജേന്ദ്രന്‍- പാരഡൈസ്
മികച്ച നടി- ഷംല ഹംസ(ഫെമിനിച്ചി ഫാത്തിമ)
പ്രത്യേക ജൂറി പരാമര്‍ശം- ടൊവിനോ (എആര്‍എം)
പ്രത്യേക ജൂറി പരാമര്‍ശം- ആസിഫ് അലി (കിഷ്‌കിന്ദാകാണ്ഡം)
മികച്ച നടന്‍- മമ്മൂട്ടി (ഭ്രമയുഗം)
