അജു വര്‍ഗ്ഗീസ് നായക വേഷത്തിലെത്തുന്ന 'പടക്കുതിര' യിലെ 'ഒരായിരം കിനാക്കളാല്‍' എന്ന ഗാനം പുറത്തുവിട്ട് അണിയറക്കാര്‍
ബിച്ചു തിരുമലയുടെ വരികള്‍ക്ക് സംഗീതം നല്‍കിയിരിക്കുന്നത് എസ് ബാലകൃഷ്ണന്‍ ആണ്.
അജു വര്‍ഗ്ഗീസ് നായക വേഷത്തിലെത്തുന്ന 'പടക്കുതിര' എന്ന ചിത്രത്തിലെ 'ഒരായിരം കിനാക്കളാല്‍' എന്ന ഗാനം പുറത്തുവിട്ട് അണിയറക്കാര്‍. ബിച്ചു തിരുമലയുടെ വരികള്‍ക്ക് സംഗീതം നല്‍കിയിരിക്കുന്നത് എസ് ബാലകൃഷ്ണന്‍ ആണ്. എം ജി ശ്രീകുമാറും ഉണ്ണി മേനോനും ചേര്‍ന്ന് ആലപിച്ചിരിക്കുന്ന ഗാനം ഒരു കാലത്ത് മലയാളികള്‍ ഹൃദയത്തോട് ചേര്‍ത്തുനിര്‍ത്തിയിരുന്നതാണ്.
കോമഡി ആക്ഷന്‍ ഡ്രാമ ജോണറിലുള്ള ചിത്രം പടക്കുതിര ഏപ്രില്‍ 24ന് തിയറ്ററുകളില്‍ എത്തും. സാലോണ്‍ സൈമണ്‍ സംവിധാനം ചെയ്യുന്ന ചിത്രത്തില്‍ നന്ദകുമാര്‍ എന്ന പത്ര മുതലാളിയായാണ് അജു വര്‍ഗ്ഗീസ് എത്തുന്നത്. തൊണ്ണൂറുകളില്‍ മാധ്യമരംഗത്തെ വിറപ്പിച്ച പത്രാധിപനായ പടക്കുതിര വിശ്വനാഥ മേനോന്റെ മകനായ നന്ദകുമാര്‍ തന്റെ ചെയ്തികളിലൂടെ അച്ഛന്‍ ഉണ്ടാക്കിയ പ്രശസ്തി കളഞ്ഞുകുളിക്കുന്നതും അയാളുടെ സ്ഥാപനത്തിലേക്ക് രവിശങ്കര്‍ എന്ന റിപ്പോര്‍ട്ടര്‍ എത്തുന്നതോടെയുള്ള ചില തുടര്‍ സംഭവങ്ങളുമാണ് സിനിമയുടെ ഇതിവൃത്തം.
സിദ്ദിഖ്, സുരാജ് വെഞ്ഞാറമ്മൂട്, ഇന്ദ്രന്‍സ്, സിജാ റോസ്, ദിലീപ് മേനോന്‍, നന്ദു, അഖില്‍ കവലയൂര്‍, ജോമോന്‍ ജ്യോതിര്‍, ഷമീര്‍, കോട്ടയം രമേശ്, അരുണ്‍ പുനലൂര്‍, സ്മിനു സിജോ, ഷെറിന്‍ സിദ്ദീഖ്, വിനീത് തട്ടില്‍, പിപി കുഞ്ഞികൃഷ്ണന്‍, ദേവനന്ദ, കാര്‍ത്തിക് ശങ്കര്‍, തമിഴ് നടന്‍ വയ്യാപൂരി, ജെയിംസ് ഏലിയാ, ഷാജു ശ്രീധര്‍, ഹരി, അരുണ്‍ കുമാര്‍, വിഷ്ണു, അരുണ്‍ ചൂളക്കല്‍, അരുണ്‍ മലയില്‍, ക്ലെയര്‍ ജോണ്‍, ബിബിന്‍, വിനോദ് തുടങ്ങി വലിയൊരു താരനിര തന്നെ സിനിമയില്‍ അണിനിരക്കുന്നുണ്ട്.
സിനിമയുടെ തിരക്കഥ ദീപു എസ് നായര്‍, സന്ദീപ് സദാനന്ദന്‍ എന്നിവര്‍ ചേര്‍ന്നാണ് നിര്‍വ്വഹിക്കുന്നത്. മാബിന്‍സ് പ്രൊഡക്ഷന്‍സ്, ഫീല്‍ ഫ് ളൈയിംഗ് എന്റര്‍ടെയ് ന് മെന്റ്‌സ്, ഫ്രണ്ട്‌സ് ടാക്കീസ് എന്നീ ബാനറുകളില്‍ ബിനി ശ്രീജിത്ത്, സായ് ശരവണന്‍, മഞ്ജു ശിവാനന്ദന്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
ഛായാഗ്രഹണം: ജിജു സണ്ണി, സംഗീതം: ധനുഷ് ഹരികുമാര്‍, വിമല്‍ജിത്ത് വിജയന്‍, എഡിറ്റര്‍: ഗ്രേസണ്‍ എസിഎ, കല: സുനില്‍ കുമാരന്‍, ആക്ഷന്‍: ഫോണിക്‌സ് പ്രഭു, ലൈന്‍ പ്രൊഡ്യൂസര്‍: ഡോ.അജിത്ത് ടി, പ്രൊഡക്ഷന്‍ കണ്‍ട്രോളര്‍: വിനോഷ് കെ കൈമള്‍, കോസ്റ്റ്യും: മെര്‍ലിന്‍ എലിസബത്ത്, മേക്കപ്പ്: രതീഷ് വിജന്‍, പിആര്‍ഒ: എഎസ് ദിനേശ്, അക്ഷയ് പ്രകാശ്, വിഷ്വല്‍ പ്രൊമോഷന്‍സ്: സ്‌നേക്ക് പ്ലാന്റ് എന്നിവരാണ് മറ്റ് അണിയറ പ്രവര്‍ത്തകര്‍.
