ടി.ജി. രവി, ഇന്ദ്രന്‍സ് എന്നിവര്‍ കേന്ദ്രകഥാപാത്രമാകുന്ന 'ഫാമിലി സര്‍ക്കസി'ന്റെ പൂജയും സ്വിച്ച് ഓണ്‍ കര്‍മവും നടന്നു
നിതീഷ് കെ നായരാണ് ചിത്രത്തിന്റെ സംവിധായകന്‍
ടി.ജി. രവി, ഇന്ദ്രന്‍സ് എന്നിവര്‍ കേന്ദ്രകഥാപാത്രമാകുന്ന 'ഫാമിലി സര്‍ക്കസി'ന്റെ പൂജയും സ്വിച്ച് ഓണ്‍ കര്‍മവും നടന്നു. തൃശൂര്‍ അഖില കേരള എഴുത്തച്ഛന്‍ സമാജം ഹാളില്‍ വെച്ചായിരുന്നു ചടങ്ങ് നടന്നത്. ചടങ്ങില്‍ ടി.ജി. രവി, ഇന്ദ്രന്‍സ്, ശിവാജി ഗുരുവായൂര്‍, ശ്രീജിത്ത് രവി തുടങ്ങിയ താരങ്ങള്‍ പങ്കെടുത്തു. നിതീഷ് കെ നായരാണ് ചിത്രത്തിന്റെ സംവിധാനം നിര്‍വഹിച്ചിരിക്കുന്നത്.
നിര്‍മ്മാതാവ് നെല്‍സണ്‍ ഐപ്പ് (മധുര രാജ), നടന്‍ ടി ജി രവി എന്നിവര്‍ ചേര്‍ന്ന് ഭദ്രദീപം കൊളുത്തി. നടന്‍ ശിവജി ഗുരുവായൂര്‍ സ്വിച്ചോണ്‍ നിര്‍വ്വഹിച്ചു. സംവിധായകന്‍ വേണു ബി നായര്‍ ആദ്യ ക്ലാപ്പടിച്ചു. ചടങ്ങില്‍ ചലച്ചിത്ര രംഗത്തെ പ്രമുഖര്‍ സന്നിഹിതരായിരുന്നു. ചടങ്ങില്‍ വച്ച് മുതിര്‍ന്ന താരം ടി ജി രവിയെ പൊന്നാട അണിയിച്ച് ആദരിച്ചു
മൂവി ബോംബ് ഫിലിംസിന്റെ ബാനറില്‍ സീമന്ത് ഉളി നിര്‍മ്മിക്കുന്ന ചിത്രത്തില്‍ കോബ്ര രാജേഷ്, നിഷ സാരംഗ്, ബിഗ് ബോസ് താരം ജിന്റോ, ഡോ. രജിത് കുമാര്‍, നന്ദകിഷോര്‍, കിരണ്‍ രാജ്, ജോമോന്‍ ജോഷി, വി.ജെ. മച്ചന്‍, രേണു സുധി, ദാസേട്ടന്‍ കോഴിക്കോട്, പ്രതീഷ് പ്രകാശ്, അമയ പ്രസാദ്, ഹാപ്പി ബൈജു തുടങ്ങിയവരും അഭിനയിക്കുന്നു. ബിന്‍സീര്‍ ഛായാഗ്രഹണം നിര്‍വ്വഹിക്കുന്നു.
സന്ദീപ് പട്ടാമ്പിയാണ് തിരക്കഥയും സംഭാഷണവും എഴുതുന്നത്. സംഗീതം-മോഹന്‍ സിത്താര, മനീഷ് തമ്പാന്‍, എഡിറ്റര്‍-ആശിഷ് ശിവന്‍, പ്രൊഡക്ഷന്‍ കണ്‍ട്രോളര്‍-ഷാജന്‍ കെ ജോര്‍ജ്, പ്രൊഡക്ഷന്‍ എക്സിക്യൂട്ടീവ്-ജയ്സണ്‍ ഫ്രാന്‍സിസ്, പ്രൊഡക്ഷന്‍ മാനേജര്‍-മനോജ് മഹാദേവ്, മേക്കപ്പ്-കൃഷ്ണന്‍ പെരുമ്പാവൂര്‍, വസ്ത്രാലങ്കാരം-കുക്കു ജീവന്‍, കല-ബിജുവയ്യ മാവേലി, കല-ബിജുവായ മാവേലി. സ്റ്റില്‍സ്-സോണി മാത്യു, ചീഫ് അസോസിയേറ്റ് ഡയറക്ടര്‍-ഷിജോ ജോസഫ്, അസോസിയേറ്റ് ഡയറക്ടര്‍-സന്ദീപ് പട്ടാമ്പി, നന്ദു ജി നമ്പ്യാര്‍, അസിസ്റ്റന്റ് ഡയറക്ടര്‍-എബി സര്‍ഗാലയ-അശ്വതി പട്ടാമ്പി, ഷൈനി, പി ആര്‍ ഒ- എ എസ് ദിനേശ്.
