അനൂപ് മേനോന്‍, ധ്യാന്‍ ശ്രീനിവാസന്‍ ചിത്രം 'രവീന്ദ്രാ നീ എവിടെ' 18 ന് തിയറ്ററുകളിലേക്ക്
കാലാവസ്ഥാ നിരീക്ഷണ കേന്ദ്രത്തിലെ ഉദ്യോഗസ്ഥനായ രവീന്ദ്രന്റെ രസകരമായ കഥയാണ് ചിത്രം പറയുന്നത്
അനൂപ് മേനോന്‍, ഷീലു എബ്രഹാം, ധ്യാന്‍ ശ്രീനിവാസന്‍ എന്നിവര്‍ മുഖ്യ വേഷത്തിലെത്തുന്ന 'രവീന്ദ്രാ നീ എവിടെ' എന്ന ചിത്രം ഈ മാസം 18 ന് തിയറ്ററുകളില്‍ എത്തുന്നു. മനോജ് പാലോടന്‍ സംവിധാനം ചെയ്ത ചിത്രത്തിന്റെ സെന്‍സറിംഗ് പൂര്‍ത്തിയായി. കട്ടുകളൊന്നുമില്ലാതെ യു സര്‍ട്ടിഫിക്കറ്റ് ആണ് ലഭിച്ചിരിക്കുന്നത്. കാലാവസ്ഥാ നിരീക്ഷണ കേന്ദ്രത്തിലെ ഉദ്യോഗസ്ഥനായ രവീന്ദ്രന്റെ രസകരമായ കഥയാണ് രവീന്ദ്രാ നീ എവിടെ എന്ന ചിത്രം പറയുന്നത്. അനൂപ് മേനോന്‍ ആണ് ചിത്രത്തില്‍ രവീന്ദ്രന്‍ ആയി എത്തുന്നത്. ഷീലു എബ്രഹാം ആണ് നായിക. ധ്യാന്‍ ശ്രീനിവാസനും ഒരു പ്രധാന വേഷം അവതരിപ്പിക്കുന്നു.
അബാം മൂവീസിന്റെ ബാനറില്‍ ഷീലു എബ്രഹാം അവതരിപ്പിച്ച് എബ്രഹാം മാത്യു നിര്‍മ്മിക്കുന്ന ചിത്രത്തില്‍ അസീസ് നെടുമങ്ങാട്, സിദ്ദീഖ്, സെന്തില്‍ കൃഷ്ണ, സജിന്‍ ചെറുകയില്‍, സുരേഷ് കൃഷ്ണ, മേജര്‍ രവി, ഷീലു എബ്രഹാം, അപര്‍ണ, എന്‍ പി നിസ, ഇതള്‍ മനോജ് തുടങ്ങിയവരും പ്രധാന വേഷങ്ങളിലെത്തുന്നു.
നിരവധി ഹിറ്റ് കോമഡി ചിത്രങ്ങള്‍ക്ക് തിരക്കഥ എഴുതിയ കൃഷ്ണ പൂജപ്പുരയുടേതാണ് തിരക്കഥ. ബി കെ ഹരിനാരായണന്റെ വരികള്‍ക്ക് കേരള സംഗീത നാടക അക്കാഡമി അവാര്‍ഡ് ജേതാവ് കൂടിയായ പ്രകാശ് ഉള്ളേരിയാണ് സംഗീതം ഒരുക്കിയിരിക്കുന്നത്. ഹരിഹരന്‍, ശങ്കര്‍ മഹാദേവന്‍ എന്നിവരാണ് ചിത്രത്തില്‍ പാടിയിരിക്കുന്നത്.
ഛായാഗ്രഹണം മഹാദേവന്‍ തമ്പി, എക്‌സിക്യൂട്ടീവ് പ്രൊഡ്യൂസര്‍ അമീര്‍ കൊച്ചിന്‍, എഡിറ്റര്‍ സിയാന്‍ ശ്രീകാന്ത്, സൗണ്ട് ഡിസൈന്‍ അജിത് എ ജോര്‍ജ്, ലൈന്‍ പ്രൊഡ്യൂസര്‍ ടി എം റഫീക്, പ്രൊഡക്ഷന്‍ എക്‌സിക്യൂട്ടീവ് പ്രജീഷ് പ്രഭാസന്‍, കലാസംവിധാനം അജയ് ജി അമ്പലത്തറ, മേക്കപ്പ് ഷാജി പുല്‍പ്പള്ളി, കോസ്റ്റ്യൂം ഡിസൈനര്‍ അരുണ്‍ മനോഹര്‍, അസോസിയേറ്റ് ഡയറക്ട്‌ടേഴ്സ് ഗ്രാഷ് പി ജി, സുഹൈല്‍, വി.എഫ്.എക്‌സ് റോബിന്‍ അലക്‌സ്, സ്റ്റില്‍സ് ദേവരാജ് ദേവന്‍, പബ്ലിസിറ്റി ഡിസൈന്‍സ് മാജിക് മൊമന്റ്‌സ്.
