തിരുവനന്തപുരം: ഇടത് വനിതാ നേതാക്കള്ക്കെതിരായ സ്ത്രീവിരുദ്ധ പരാമര്ശത്തില് ബി.ജെ.പി സംസ്ഥാന പ്രസിഡണ്ട് കെ. സുരേന്ദ്രനെതിരെ തിരുവനന്തപുരം കന്റോണ്മെന്റ് പൊലീസ് കേസെടുത്തു. ഐ.പി.സി 509, 304 എ എന്നീ വകുപ്പുകള് പ്രകാരമാണ് കേസെടുത്തിരിക്കുന്നത്. ജനാധിപത്യമഹിള അസോസിയേഷന് സംസ്ഥാന സെക്രട്ടറി സി.എസ് സുജാത നല്കിയ പരാതിയിലാണ് പൊലീസ് നടപടി.
തിരുവനന്തപുരം മ്യൂസിയം പൊലീസിലും പരാതി ലഭിച്ചിട്ടുണ്ട്. സി.പി.എം പ്രവര്ത്തകനായ അന്വര്ഷാ പാലോടാണ് പരാതി നല്കിയത്.
തൃശ്ശൂരില് ബി.ജെ.പിയുടെ സ്ത്രീശാക്തീകരണ സമ്മേളനത്തിന്റെ സ്വാഗതസംഘം രൂപീകരണ യോഗത്തിലായിരുന്നു കെ. സുരേന്ദ്രന്റെ സ്ത്രീവിരുദ്ധ പരാമര്ശം. ‘സ്ത്രീശാക്തീകരണത്തിന്റെ വക്താക്കളായി അധികാരത്തില് വന്ന മാര്ക്സിസ്റ്റ് പാര്ട്ടിയിലെ വനിതാ നേതാക്കളെല്ലാം തടിച്ചുകൊഴുത്തു. നല്ല കാശടിച്ചുമാറ്റി, തടിച്ചുകൊഴുത്ത് പൂതനകളായി അവര് കേരളത്തിലെ സ്ത്രീകളെ കളിയാക്കികൊണ്ടിരിക്കുകയാണ്’ എന്നായിരുന്നു സുരേന്ദ്രന്റെ വാക്കുകള്.