ജോലി വാഗ്ദാനം ചെയ്ത് 1,30,000 രൂപ വാങ്ങി വഞ്ചിച്ചു; കിദൂര്‍ സ്വദേശിക്കെതിരെ കേസ്

കുമ്പള : ജോലി വാഗ്ദാനം ചെയ്ത് 1,30,000 രൂപ വാങ്ങി വഞ്ചിച്ചെന്ന പരാതിയില്‍ കിദൂരിലെ സുധീഷിനെതിരെ കുമ്പള പൊലീസ് കേസെടുത്തു. പൊന്നക്കളത്തെ റോഷന്‍ എന്ന ആളോട് 2023 ല്‍ 9 മാസത്തിനുള്ളില്‍ ജോലി ശരിപ്പെടുത്തി തരാമെന്ന് പറഞ്ഞ് 1,30000 രൂപ വാങ്ങി വഞ്ചിച്ചുവെന്നാണ് പരാതി.

ജോലി ശരിയാകാതെ വന്നതോടെ നല്‍കിയ പണം തിരികെ ചോദിച്ചെങ്കിലും പണം നല്‍കാതെ മുങ്ങിനടക്കുകയായിരുന്നുവെന്നും പരാതിക്കാരന്‍ ആരോപിക്കുന്നു. തുടര്‍ന്ന് നടത്തിയ അന്വേഷണത്തിനൊടുവിലാണ് പൊലീസ് സുധീഷിനെതിരെ കേസെടുത്തത്.