Begin typing your search above and press return to search.
പി.സി ജോര്‍ജ് ജയിലിലേക്ക്; റിമാന്‍ഡ് ചെയ്ത് കോടതി; ജാമ്യാപേക്ഷ തള്ളി
കോട്ടയം: ചാനല്‍ ചര്‍ച്ചയിലെ മതവിദ്വേഷ പരാമര്‍ശ കേസില്‍ ബി.ജെ.പി നേതാവ് പി.സി ജോര്‍ജ്ജിന് തിരിച്ചടി. ഈരാറ്റുപേട്ട മജിസ്‌ട്രേറ്റ് കോടതിയില്‍ ഇന്ന് രാവിലെ കീഴടങ്ങിയ പി.സി ജോര്‍ജ്ജിന്റെ ജാമ്യാപേക്ഷ കോടതി തള്ളി 14 ദിവസത്തേക്ക് റിമാന്‍ഡ് ചെയ്തു. ഇന്ന് വൈകിട്ട് ആറ് മണി വരെ പൊലീസ് കസ്റ്റഡിയില്‍ ചോദ്യം ചെയ്ത ശേഷം കോടതിയില്‍ ഹാജരാക്കും. ഇതിന് ശേഷമായിരിക്കും ജയിലിലേക്ക് മാറ്റുക. ജനുവരി അഞ്ചിനാണ് ചാനല്‍ ചര്‍ച്ചക്കിടെ പി സി ജോര്‍ജ് മുസ്ലിം വിരുദ്ധ പരാമര്‍ശം നടത്തിയത്. യൂത്ത് ലീഗ് ഈരാറ്റുപേട്ട മണ്ഡലം കമ്മിറ്റിയുടെ പരാതിയിലാണ് പൊലീസ് കേസെടുത്തത്. കോട്ടയം സെഷന്‍സ് കോടതിയും പിന്നീട് ഹൈക്കോടതിയും പി സി ജോര്‍ജിന്റെ മുന്‍കൂര്‍ ജാമ്യാപേക്ഷ തള്ളിയിരുന്നു
Online Desk - Sub Editor
Next Story
