മോഹൻലാലിന് ദാദാസാഹേബ് ഫാൽക്കെ അവാർഡ്; പുരസ്കാരം സമഗ്ര സംഭാവനയ്ക്ക്

ന്യൂഡൽഹി:ഇന്ത്യൻ ചലച്ചിത്രരംഗത്തെ സമഗ്ര സംഭാവനകൾ പരിഗണിച്ച് മലയാളത്തിന്റെ മഹാനടൻ മോഹൻലാലിന് 2023-ലെ ദാദാസാഹേബ് ഫാൽക്കെ പുരസ്കാരം. ഇന്ത്യൻ സിനിമയിലെ പരമോന്നത ബഹുമതിയാണ് ഇത്. വാർത്താ വിജ്ഞാപന മന്ത്രാലയമാണ് പുരസ്കാരം പ്രഖ്യാപിച്ചത്.

മോഹൻലാൽ അഭിനയം, സംവിധാനം, നിർമ്മാണം തുടങ്ങി സിനിമയുടെ എല്ലാ മേഖലകളിലും നൽകിയ സംഭാവനകൾ പരിഗണിച്ചാണ് ഈ പുരസ്ക‌ാരം നൽകുന്നതെന്ന് മന്ത്രാലയം അറിയിച്ചു.

ഈ മാസം 23-ന് ചൊവ്വാഴ്‌ച നടക്കുന്ന 71-ാമത് ദേശീയ ചലച്ചിത്ര അവാർഡ് ദാന ചടങ്ങിൽ വെച്ച് പുരസ്‌കാരം നൽകും.