തദ്ദേശ പൊതുതിരഞ്ഞെടുപ്പ് : രാഷ്ട്രീയ പാര്‍ട്ടികള്‍ക്ക് ചിഹ്നം അനുവദിച്ച് വിജ്ഞാപനമായി
രാഷ്ട്രീയ പാര്‍ട്ടികള്‍ക്ക് നാല് പട്ടികകളിലായാണ് ചിഹ്നം അനുവദിച്ചിട്ടുള്ളത്
തിരുവനന്തപുരം: സംസ്ഥാനത്തെ തദ്ദേശസ്ഥാപന തിരഞ്ഞെടുപ്പില്‍ മത്സരിക്കുന്നതിന് രാഷ്ട്രീയപാര്‍ട്ടികള്‍ക്ക് ചിഹ്നം അനുവദിച്ച് സംസ്ഥാന തിരഞ്ഞെടുപ്പ് കമ്മീഷന്‍ വിജ്ഞാപനം പുറപ്പെടുവിച്ചു. വിജ്ഞാപനം www.sec.kerala.gov.in വെബ് സൈറ്റില്‍ പരിശോധിക്കാം.
രാഷ്ട്രീയ പാര്‍ട്ടികള്‍ക്ക് നാല് പട്ടികകളിലായാണ് ചിഹ്നം അനുവദിച്ചിട്ടുള്ളത്. കേന്ദ്ര തിരഞ്ഞെടുപ്പ് കമ്മീഷന്റെ അംഗീകാരമുള്ള ആറ് ദേശീയപാര്‍ട്ടികളെ പട്ടിക ഒന്നിലും, ആറ് കേരള സംസ്ഥാന പാര്‍ട്ടികളെ പട്ടിക രണ്ടിലും ഉള്‍പ്പെടുത്തിയാണ് ചിഹ്നം അനുവദിച്ചിട്ടുള്ളത്. കേന്ദ്ര തിരഞ്ഞെടുപ്പ് കമ്മീഷന്‍ അംഗീകരിച്ചിട്ടുള്ള ചിഹ്നങ്ങളാണ് ആ പാര്‍ട്ടികള്‍ക്ക് നല്‍കിയിട്ടുള്ളത്.
മൂന്നാം പട്ടികയില്‍, മറ്റ് സംസ്ഥാനങ്ങളിലെ അംഗീകൃത പാര്‍ട്ടികളും കേരള അസംബ്ലിയിലോ സംസ്ഥാനത്തെ ഏതെങ്കിലും തദ്ദേശസ്വയംഭരണ സ്ഥാപനത്തിലോ അംഗങ്ങളുളളതും കേന്ദ്ര തിരഞ്ഞെടുപ്പ് കമ്മീഷനില്‍ രജിസ്റ്റര്‍ ചെയ്തിട്ടുളളതുമായ 28 രാഷ്ട്രിയ പാര്‍ട്ടികള്‍ക്കും ചിഹ്നം അനുവദിച്ചിട്ടുണ്ട്.
പട്ടിക നാലിലുള്ള 74 സ്വതന്ത്ര ചിഹ്നങ്ങളില്‍ 1, 2, 3 പട്ടികകളില്‍ ഉള്‍പ്പെടാത്തതും കേന്ദ്ര തിരഞ്ഞെടുപ്പ് കമ്മീഷനില്‍ രജിസ്റ്റര്‍ ചെയ്തിട്ടുളളതുമായ രാഷ്ട്രിയ പാര്‍ട്ടികള്‍ക്ക് മുന്‍ഗണനാ അടിസ്ഥാനത്തില്‍ സ്വതന്ത്ര ചിഹ്നങ്ങള്‍ അനുവദിച്ചിട്ടുണ്ട്. സ്വതന്ത്ര സ്ഥാനാര്‍ത്ഥികള്‍ ഉള്‍പ്പെടെ മറ്റേതെങ്കിലും സ്ഥാനാര്‍ത്ഥികള്‍ക്ക് പട്ടിക 4-ല്‍ നിന്ന് ഒരു ചിഹ്നം നല്‍കും.
ഒന്നാം പട്ടികയില്‍ ദേശീയ പാര്‍ട്ടികളായ ആം ആദ്മി പാര്‍ട്ടി ( ചൂല്) , ബഹുജന്‍ സമാജ് പാര്‍ട്ടി (ആന), ഭാരതീയ ജനതാ പാര്‍ട്ടി (താമര), കമ്മ്യൂണിസ്റ്റ് പാര്‍ട്ടി ഓഫ് ഇന്ത്യ (മാര്‍ക്‌സിസ്റ്റ്) (ചുറ്റികയും അരിവാളും നക്ഷത്രവും), ഇന്ത്യന്‍ നാഷണല്‍ കോണ്‍ഗ്രസ് (കൈ), നാഷണല്‍ പീപ്പിള്‍സ് പാര്‍ട്ടി (പുസ്തകം) എന്നിവര്‍ക്കും രണ്ടാം പട്ടികയില്‍ കേരള സംസ്ഥാന പാര്‍ട്ടികളായ കമ്മ്യൂണിസ്റ്റ് പാര്‍ട്ടി ഓഫ് ഇന്ത്യ (ധാന്യക്കതിരും അരിവാളും), ജനതാദള്‍ (സെക്യുലര്‍)( തലയില്‍ നെല്‍ക്കതിരേന്തിയ കര്‍ഷക സ്ത്രീ), ഇന്ത്യന്‍ യൂണിയന്‍ മുസ്ലീം ലീഗ് (ഏണി), കേരള കോണ്‍ഗ്രസ് (എം) ( രണ്ടില), കേരളകോണ്‍ഗ്രസ് (ഓട്ടോറിക്ഷ), റെവല്യൂഷണറി സോഷ്യലിസ്റ്റ് പാര്‍ട്ടി (മണ്‍വെട്ടിയും മണ്‍കോരിയും) എന്നിവര്‍ക്കും ചിഹ്നങ്ങള്‍ അനുവദിച്ചു.
മൂന്നാം പട്ടികയില്‍ ഉള്ള പാര്‍ട്ടികളും അവര്‍ക്ക് അനുവദിച്ച ചിഹ്നം ബ്രാക്കറ്റിലുമായി ചുവടെ ചേര്‍ക്കുന്നു
ഓള്‍ ഇന്ത്യ അണ്ണാ ഡിഎംകെ (എഐഎഡിഎംകെ) (തൊപ്പി), ഓള്‍ ഇന്ത്യ ഫോര്‍വേഡ് ബ്ലോക്ക്(സിംഹം), ഓള്‍ ഇന്ത്യ തൃണമൂല്‍ കോണ്‍ഗ്രസ് (പൂക്കളും പുല്ലും), ഭാരത് ധര്‍മ്മ ജനസേന(ബി.ഡി.ജെ.എസ്) (മണ്‍പാത്രം), സിപിഐ (എംഎല്‍) റെഡ് സ്റ്റാര്‍ (മണി), കമ്മ്യൂണിസ്റ്റ് മാര്‍ക്‌സിസ്റ്റ് പാര്‍ട്ടി സെന്‍ട്രല്‍ കൗണ്‍സില്‍ (സിപി ജോണ്‍ വിഭാഗം) (നക്ഷത്രം), കോണ്‍ഗ്രസ് (സെക്യുലര്‍) (കായ്ഫലമുള്ള തെങ്ങ്), ദ്രാവിഡ മുന്നേറ്റ കഴകം (ഉദയസൂര്യന്‍), ഇന്ത്യന്‍ നാഷണല്‍ ലീഗ് (ഐഎന്‍എല്‍) (ത്രാസ്), ജനതാദള്‍ (യുണൈറ്റഡ്) (അമ്പ്), ജനാധിപത്യ കേരള കോണ്‍ഗ്രസ് (സ്‌കൂട്ടര്‍), കേരള കോണ്‍ഗ്രസ് (ബി) (ബസ്), കേരള കോണ്‍ഗ്രസ് (ജേക്കബ്) (ബാറ്ററി ടോര്‍ച്ച്), ലോക് ജനശക്തി പാര്‍ട്ടി (എല്‍ജെപി) (ബംഗ്ലാവ്), മാര്‍ക്‌സിസ്റ്റ് കമ്മ്യൂണിസ്റ്റ് പാര്‍ട്ടി ഓഫ് ഇന്ത്യ(യുണൈറ്റഡ്) (ഫ്‌ളാഗ്), നാഷണല്‍ സെക്കുലര്‍ കോണ്‍ഫറന്‍സ് (ഗ്ലാസ് ടംബ്ലര്‍), നാഷണലിസ്റ്റ് കോണ്‍ഗ്രസ് പാര്‍ട്ടി (ക്ലോക്ക്), നാഷണലിസ്റ്റ് കോണ്‍ഗ്രസ് പാര്‍ട്ടി-ശരദ്ചന്ദ്ര പവാര്‍ (ടര്‍ഹയൂതുന്ന പുരുഷന്‍), പീപ്പിള്‍സ് ഡെമോക്രാറ്റിക് പാര്‍ട്ടി (പിഡിപി) (ബോട്ട്), രാഷ്ട്രീയ ജനതാദള്‍ (റാന്തല്‍ വിളക്ക്), രാഷ്ട്രീയ ലോക് ദള്‍ പാര്‍ട്ടി (കൈപ്പമ്പ്), രാഷ്ട്രീയ ലോക് സമത പാര്‍ട്ടി (സീലിംഗ് ഫാന്‍), റെവല്യൂഷണറി മാര്‍ക്‌സിസ്റ്റ് പാര്‍ട്ടി ഓഫ് ഇന്ത്യ(ഫുട്‌ബോള്‍), സമാജ് വാദി പാര്‍ട്ടി (എസ് പി) (സൈക്കിള്‍), ശിവസേന (എസ്എസ്) (വില്ലും അമ്പും), സോഷ്യല്‍ ഡെമോക്രാറ്റിക് പാര്‍ട്ടി ഓഫ് ഇന്ത്യ (എസ്ഡിപിഐ) (കണ്ണട), ട്വന്റി 20 പാര്‍ട്ടി (മാങ്ങ), വെല്‍ഫെയര്‍ പാര്‍ട്ടി ഓഫ് ഇന്ത്യ (ഗ്യാസ് സിലിണ്ടര്‍)
പട്ടിക നാലിലെ സ്വതന്ത്ര ചിഹ്നങ്ങളും ബ്രാക്കറ്റില്‍ മുന്‍ഗണനാടിസ്ഥാനത്തില്‍ ചിഹ്നങ്ങള്‍ ലഭിച്ച രാഷ്ട്രീയപാര്‍ട്ടികളും ചുവടെ.
അലമാര, ആന്റിന, ആപ്പിള്‍ (കേരള ജനപക്ഷം(സെക്യുലര്‍), കോടാലി, ബലൂണ്‍, ബെഞ്ച്, ബ്‌ളാക്ക് ബോര്‍ഡ് (മാര്‍ക്‌സിസ്റ്റ് ലെനിനിസ്റ്റ് പാര്‍ട്ടി ഓഫ് ഇന്ത്യ) (റെഡ് ഫ്‌ലാഗ്), ബോട്ടില്‍, ബ്രീഫ് കേസ്, ബ്രഷ്, ബക്കറ്റ്, ക്യാമറ, മെഴുകുതിരികള്‍, കാര്‍, കാരം ബോര്‍ഡ്, കാരറ്റ്, കൈവണ്ടി, കസേര (ഇക്വാളിറ്റി പാര്‍ട്ടി ഓഫ് ഇന്ത്യ), ചെണ്ട(കേരള പ്രവാസി അസോസിയേഷന്‍), കോട്ട്, ശംഖ് (കേരള ജനപക്ഷം), ക്രിക്കറ്റ് ബാറ്റ് (കേരള റെവല്യൂഷണറി സോഷ്യലിസ്റ്റ് പാര്‍ട്ടി(ലെനിനിസ്റ്റ്-മാര്‍ക്‌സിസ്റ്റ്), വിളവെടുക്കുന്ന കര്‍ഷകന്‍ (ഇന്ത്യന്‍ ജസ്റ്റിസ് ഡെമോക്രാറ്റിക് പാര്‍ട്ടി), കപ്പുും സോസറും, വൈദ്യുത ബള്‍ബ്, ഇലക്ട്രിക് സ്വിച്ച്, എരിയുന്ന പന്തം, ഓടക്കുഴല്‍ (ഡെമോക്രാറ്റിക് ഹ്യൂമന്‍ റൈറ്റ്‌സ് മൂവ്‌മെന്റ് പാര്‍ട്ടി), ഗ്യാസ് സ്റ്റൗ, മുന്തിരിക്കുല (ഇന്ത്യന്‍ ക്രിസ്ത്യന്‍ ഫ്രണ്ട്), ഹാര്‍മോണിയം, ഹെല്‍മെറ്റ്, ഹോക്കി സ്റ്റിക്കും പന്തും, കുടില്‍ (അണ്ണാ ഡെമോക്രാറ്റിക് ഹ്യൂമന്‍ റൈറ്റ്‌സ് മൂവ്‌മെന്റ് പാര്‍ട്ടി ഓഫ് ഇന്ത്യ), മഷിക്കുപ്പിയും പേനയും, ഇസ്തിരിപ്പെട്ടി, ജീപ്പ് (ന്യൂ ലേബര്‍ പാര്‍ട്ടി), കെറ്റില്‍, പട്ടം (ഭാരതീയ നാഷണല്‍ ജനതാദള്‍), ലാപ് ടോപ്പ്, എഴുത്ത് പെട്ടി, താഴും താക്കോലും (റിപ്പബ്ലിക്കന്‍ പാര്‍ട്ടി ഓഫ് ഇന്ത്യ), മൊബൈല്‍ ഫോണ്‍(പ്രവാസി നിവാസി പാര്‍ട്ടി), പൈനാപ്പിള്‍, കലപ്പ (സോഷ്യലിസ്റ്റ് പാര്‍ട്ടി (ഇന്ത്യ), പ്രഷര്‍ കുക്കര്‍, തീവണ്ടി എഞ്ചിന്‍, മോതിരം, റോസാപൂവ് (ഓള്‍ ഇന്ത്യ സമത്വ മക്കള്‍ കക്ഷി (എഐഎസ്എംകെ)), റബ്ബര്‍ സ്റ്റാമ്പ്, കത്രിക, തയ്യല്‍മെഷീന്‍ (റിപ്പബ്ലിക്കന്‍ പാര്‍ട്ടി ഓഫ് ഇന്ത്യ(എ), കപ്പല്‍, സ്ലേറ്റ്, സ്റ്റെതസ്‌കോപ്പ്, സ്റ്റൂള്‍, മേശ, ടേബിള്‍ഫാന്‍ (ഡെമോക്രാറ്റിക് സോഷ്യല്‍ ജസ്റ്റിസ് പാര്‍ട്ടി), മേശവിളക്ക്, ടെലിഫോണ്‍ (ഭാരതീയ ജനശബ്ദ് (ബിജെഎസ്), ടെലിവിഷന്‍ (കേരള ഡെമോക്രാറ്റിക് പാര്‍ട്ടി), ടെന്നീസ് റാക്കറ്റ്, പെരുമ്പറ (സമാജ് വാദി ജന പരിഷത്ത്), പമ്പരം, വൃക്ഷം (ഇന്ത്യന്‍ ലേബര്‍ പാര്‍ട്ടി (അംബേദ്കര്‍ ഫൂലെ), ട്രംപറ്റ്, കോര്‍ത്തിരിക്കുന്ന രണ്ടു വാള്‍ (ഭാരതീയ ജവാന്‍ കിസാന്‍ പാര്‍ട്ടി(ബിജെകെപി), രണ്ട് വാളും ഒരു പരിചയും (ഹിന്ദുസ്ഥാന്‍ നാഷണല്‍ പാര്‍ട്ടി) , കുട, വയലിന്‍, പമ്പ്, ടാപ്പ്, വിസില്‍ (സ്വരാജ് ഇന്ത്യ പാര്‍ട്ടി), ജന്നല്‍.
