ശ്രീ പത്മനാഭ സ്വാമി ക്ഷേത്രത്തില്‍ നിന്നും 107 ഗ്രാം സ്വര്‍ണം മോഷണം പോയതായി പരാതി

തിരുവനന്തപുരം: ശ്രീ പത്മനാഭ സ്വാമി ക്ഷേത്രത്തില്‍ നിന്നും 107 ഗ്രാം സ്വര്‍ണം മോഷണം പോയതായി പരാതി. ശ്രീകോവിലില്‍ സ്വര്‍ണം പൂശാനായി സൂക്ഷിച്ചിരുന്ന 13 പവന്‍ സ്വര്‍ണമാണ് മോഷണം പോയതെന്നാണ് പരാതി. വ്യാഴാഴ്ചയാണ് സംഭവം നടന്നത്.

ലോക്കറില്‍ സൂക്ഷിച്ച സ്വര്‍ണമാണ് മോഷണം പോയിരിക്കുന്നത്. അതീവ സുരക്ഷാ ക്രമീകരണങ്ങളുള്ള ക്ഷേത്രത്തില്‍ നിന്നുമാണ് സ്വര്‍ണം മോഷണം പോയിരിക്കുന്നത്. ഉദ്യോഗസ്ഥരുടെ സാന്നിദ്ധ്യത്തിലാണ് സ്വര്‍ണം തൂക്കി നല്‍കുകയും തിരികെ വയ്ക്കുകയും ചെയ്യുന്നത്. സംഭവത്തില്‍ പൊലീസ് കേസെടുത്ത് അന്വേഷണമാരംഭിച്ചിട്ടുണ്ട്.