AIMS | എയിംസ് അനുവദിക്കണമെന്ന് കേന്ദ്രത്തിനോട് നിരന്തരം ചോദിക്കുന്നുണ്ട്; കാത്തിരിക്കാമെന്നല്ലാതെ എന്തുപറയാന്‍ എന്ന് മുഖ്യമന്ത്രി
തിരുവനന്തപുരം: കേരളത്തിന് ഒരു എയിംസ് പോലും ഇല്ല. ഇക്കാര്യം ആവശ്യപ്പെട്ട് കേന്ദ്ര സര്‍ക്കാരില്‍ നിരന്തരം സമ്പര്‍ക്കം പുലര്‍ത്തുണ്ടെങ്കിലും ഇതുവരെ അനുകൂല നിലപാടില്ലെന്ന് മുഖ്യമന്ത്രി പിണറായി വിജയന്‍. 157 നഴ് സിങ് കോളജുകള്‍ കേന്ദ്രം അനുവദിക്കുമ്പോള്‍ ഒന്നുപോലും കേരളത്തിന് ഇല്ലെന്ന പരിഭവവും മുഖ്യമന്ത്രി പങ്കുവച്ചു. എന്നാല്‍ ഇതില്‍ വലിയ വിഷമം ഇല്ല.
എയിംസിനുള്ള മാനദണ്ഡം നോക്കിയാല്‍ അര്‍ഹതയില്ലെന്ന് ആരും പറയില്ലെന്ന് പറഞ്ഞ മുഖ്യമന്ത്രി നമുക്ക് കാത്തിരിക്കാം എന്നല്ലാതെ എന്തു ചെയ്യാമെന്നും ചോദിച്ചു. നെട്ടയം ശാരദാ നഴ് സിങ് കോളേജ് ഉദ് ഘാടന വേദിയിലായിരുന്നു മുഖ്യമന്ത്രിയുടെ ഈ പ്രതികരണം.
സ്‌നേഹത്തിന്റെയും കാരുണ്യത്തിന്റെയും ദയാവയ്പ്പിന്റെ പ്രതീകമായാണ് നഴ്സുമാരെ കാണുന്നത്. കോവിഡ് സമയത്ത് സ്വന്തം ജീവന്‍ പോലും പണയം വെച്ച് പ്രവര്‍ത്തിച്ചവരാണ് അവര്‍. നിപാ കാലത്തും ഇത്തരം പ്രവര്‍ത്തനം നാം കണ്ടു. അതിന് ഉദാഹരമാണ് സിസ്റ്റര്‍ ലിനി.
കേരളത്തിലെ നഴ് സുമാരുടെ സേവനം ലോകോത്തരമാണെന്നും മുഖ്യമന്ത്രി പറഞ്ഞു. സര്‍ക്കാര്‍ ശ്രദ്ധേയമായ ഇടപെടല്‍ നഴ് സിങ് റിക്രൂട്ട് മെന്റില്‍ അടക്കം നടത്തുന്നു. ട്രാന്‍സ് ജെന്‍ഡര്‍ വ്യക്തികള്‍ക്ക് നഴ് സിങ് സീറ്റുകളില്‍ സംവരണം ഏര്‍പ്പെടുത്തിയെന്നും മുഖ്യമന്ത്രി ചൂണ്ടിക്കാട്ടി.
