3 മാസം പ്രായമുള്ള കുഞ്ഞ് കിണറ്റില്‍ വീണ് മരിച്ചു; കുളിപ്പിക്കുമ്പോള്‍ കയ്യില്‍ നിന്നും വഴുതി വീണതാണെന്ന് മാതാവ്
കണ്ണൂര്‍ കുറുമാത്തൂര്‍ സ്വദേശി ജാബിര്‍ - മുബഷിറ ദമ്പതികളുടെ മകന്‍ അലന്‍ ആണ് മരിച്ചത്
കണ്ണൂര്‍: മൂന്ന് മാസം പ്രായമുള്ള കുഞ്ഞ് കിണറ്റില്‍ വീണ് മരിച്ചു. കണ്ണൂര്‍ കുറുമാത്തൂര്‍ സ്വദേശി ജാബിര്‍ - മുബഷിറ ദമ്പതികളുടെ മകന്‍ അലന്‍ ആണ് മരിച്ചത്. കയ്യില്‍ നിന്നും അബദ്ധത്തില്‍ കിണറ്റില്‍ വീഴുകയായിരുന്നുവെന്നാണ് കുഞ്ഞിന്റെ മാതാവ് പൊലീസിന് നല്‍കിയ മൊഴി.
കുഞ്ഞിനെ കുളിപ്പിക്കാന്‍ കിണറ്റിന്‍കരയിലേക്ക് പോയപ്പോള്‍ അബദ്ധത്തില്‍ കയ്യില്‍ നിന്നും വീഴുകയായിരുന്നുവെന്നാണ് ഇവര്‍ പറയുന്നത്. വിവരമറിഞ്ഞ ഉടന്‍ തന്നെ സമീവാസികള്‍ ഓടിയെത്തി കുഞ്ഞിനെ പുറത്തെടുത്ത് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. പരിയാരം മെഡിക്കല്‍ കോളേജ് ആശുപത്രിയിലെ മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം പോസ്റ്റുമോര്‍ട്ടത്തിനുശേഷം ബന്ധുക്കള്‍ക്ക് വിട്ടുനല്‍കും. സംഭവത്തില്‍ കൂടുതല്‍ അന്വേഷണം നടത്തുമെന്ന് തളിപ്പറമ്പ് പൊലീസ് വ്യക്തമാക്കി.
Next Story
