തളങ്കരയിലെ ഹോട്ടല്‍ ജീവനക്കാരനെ താമസ സ്ഥലത്ത് മരിച്ച നിലയില്‍ കണ്ടെത്തി
തളങ്കരയിലെ ബദര്‍ ഹോട്ടല്‍ ജീവനക്കാരനും തളിപ്പറമ്പ് സ്വദേശിയുമായ അനീഷിനെയാണ് മരിച്ചനിലയില്‍ കണ്ടെത്തിയത്
കാസര്‍കോട്: തളങ്കരയിലെ ബദര്‍ ഹോട്ടല്‍ ജീവനക്കാരനും തളിപ്പറമ്പ് സ്വദേശിയുമായ അനീഷി(58)നെ ഹോട്ടല്‍ കെട്ടിടത്തിന് മുകളിലെ താമസ സ്ഥലത്ത് മരിച്ച നിലയില്‍ കണ്ടെത്തി. തളിപ്പറമ്പ് കടമ്പേരി സ്വദേശിയാണ്. 10 വര്‍ഷത്തോളമായി ബദര്‍ ഹോട്ടലില്‍ ജോലി ചെയ്തുവരികയായിരുന്നു. എല്ലാ ദിവസവും പുലര്‍ച്ചെ 4 മണിയോടെ അനീഷായിരുന്നു ഹോട്ടല്‍ തുറന്നിരുന്നത്.
ചൊവ്വാഴ്ച പുലര്‍ച്ചെ ഹോട്ടല്‍ തുറക്കാത്തതിനെ തുടര്‍ന്ന് ഉടമ ഹോട്ടലിന് മുകളിലെ താമസ സ്ഥലത്ത് ചെന്ന് നോക്കിയപ്പോഴാണ് അനീഷിനെ അനക്കമില്ലാതെ കിടക്കുന്നത് കണ്ടത്. ഉടന്‍ തന്നെ മാലിക് ദീനാര്‍ ആസ്പത്രിയില്‍ എത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു. ഉറക്കത്തിലുണ്ടായ ഹൃദയാഘാതമാണ് മരണകാരണമെന്നാണ് സംശയിക്കുന്നത്. മൃതദേഹം ജനറല്‍ ആസ്പത്രി മോര്‍ച്ചറിയിലേക്ക് മാറ്റി. ഭാര്യ: യമുന. മക്കള്‍: ഹരികൃഷ്ണന്‍, ഗോപീകൃഷ്ണന്‍.
Next Story
