മുന്നറിയിപ്പ് തുണയായി; പുതുതായി താമസം മാറിയ വീടിന് മുകളിലേക്ക് മതില്‍ ഇടിഞ്ഞുവീണ് പൂര്‍ണമായും തകര്‍ന്നു; കുടുംബം രക്ഷപ്പെട്ടത് തലനാരിഴയ്ക്ക്
സംഭവ സമയത്ത് കുടുംബത്തിന് പുറമേ, 78 കുട്ടികള്‍ ഉള്‍പ്പെടെ നിരവധി ബന്ധുക്കള്‍ വീട്ടില്‍ ഉണ്ടായിരുന്നു
പുത്തൂര്‍: പുതുതായി താമസം മാറിയ വീടിന് മുകളിലേക്ക് മതില്‍ ഇടിഞ്ഞുവീണ് പൂര്‍ണമായും തകര്‍ന്നു. എന്നാല്‍ കുടുംബം അപകടമൊന്നുമില്ലാതെ തലനാരിഴയ്ക്ക് രക്ഷപ്പെട്ടു. തിങ്കളാഴ്ച വൈകുന്നേരമാണ് സംഭവം. നെക്കിലാടിയിലെ സുഭാഷ് നഗറിലെ 34-ാം നമ്പര്‍ ജനതാ കോളനിയില്‍ പുതുതായി വാടകയ്ക്ക് എടുത്ത ഒരു വീടിന് മുകളിലേക്ക് അയല്‍വാസിയുടെ വീടിന്റെ കോമ്പൗണ്ട് മതില്‍ ഇടിഞ്ഞുവീഴുകയായിരുന്നു. സ്ഥലത്തെ ഒരു മേസണ്‍മാരുടെ സമയോചിതമായ മുന്നറിയിപ്പാണ് കുടുംബത്തെ അപകടത്തില്‍ നിന്നും രക്ഷപ്പെടുത്തിയത്.
നന്ദവാറിലെ ഇല്യാസിന് ജബ്ബാര്‍ എന്ന വ്യക്തി വാടകയ്ക്ക് നല്‍കിയ വീട്ടിലാണ് അപകടം നടന്നത്. വീട്ടിലേക്ക് കുടുംബം താമസം മാറിയതേ ഉണ്ടായിരുന്നുള്ളൂ. അതിന്റെ ഭാഗമായി രാവിലെ, കുടുംബം മതപരമായ ചടങ്ങുകള്‍ നടത്തിയിരുന്നു, ബന്ധുക്കള്‍ ഒത്തുകൂടിയിരുന്നു. വൈകുന്നേരം, അടുക്കളയില്‍ വിരുന്നിനുള്ള ഒരുക്കങ്ങളും നടന്നുവരികയായിരുന്നു.
വാടക വീടിന് പിന്നിലായി നല്ല ഉയരത്തില്‍, ബെംഗളൂരുവില്‍ താമസിക്കുന്ന സുശീലയുടെ വീടാണ്. കഴിഞ്ഞ 10 ദിവസമായി അവിടെ ഒരു കോമ്പൗണ്ട് മതിലിന്റെ നിര്‍മ്മാണം നടന്നുവരികയായിരുന്നു. തിങ്കളാഴ്ച വൈകുന്നേരം 5 മണിയോടെ, മതില്‍ ഇടിഞ്ഞുവീഴുന്നതിന്റെ ലക്ഷണങ്ങള്‍ സ്ഥലത്തെ ഒരു മേസണ്‍ ശ്രദ്ധിച്ചു. അപകടം മനസ്സിലാക്കിയ അദ്ദേഹം താഴെ താമസിക്കുന്നവരോട് പെട്ടെന്ന് പുറത്തുവരാന്‍ നിര്‍ദേശിക്കുകയായിരുന്നു. ഇതോടെ എന്തോ അപകടം ഉണ്ടെന്ന് കണ്ട് അടുക്കളയില്‍ ജോലി ചെയ്തിരുന്നവര്‍ പുറത്തേക്ക് ഓടുകയായിരുന്നു. നിമിഷങ്ങള്‍ക്കുള്ളില്‍ തന്നെ കോമ്പൗണ്ട് മതില്‍ ഇടിഞ്ഞുവീണ് വാടക വീടിന് മുകളിലേക്ക് പതിച്ചു. അടുക്കള പൂര്‍ണ്ണമായും ഇടഞ്ഞുവീഴുകയും വീടിന് കേടുപാടുകള്‍ സംഭവിക്കുകയും ചെയ്തു. ഫ്രിഡ്ജ്, ഗ്യാസ് സിലിണ്ടര്‍, സ്റ്റൗ, പാത്രങ്ങള്‍ എന്നിവ അവശിഷ്ടങ്ങള്‍ക്കടിയില്‍ കുടുങ്ങി.
സംഭവ സമയത്ത് ഇല്യാസിന്റെ കുടുംബത്തിന് പുറമേ, 78 കുട്ടികള്‍ ഉള്‍പ്പെടെ നിരവധി ബന്ധുക്കള്‍ വീട്ടില്‍ ഉണ്ടായിരുന്നു. അവരില്‍ പലരും സംഭവ സമയത്ത് അടുക്കളയില്‍ ഭക്ഷണം തയ്യാറാക്കുകയായിരുന്നു.
