പള്ളിക്കരയില്‍ കടല്‍ ഇരച്ചുകയറി കെട്ടിടം തകര്‍ന്നു
റെഡ് മൂണ്‍ ബീച്ചിലെ കെട്ടിടമാണ് തകര്‍ന്നത്
ബേക്കല്‍: പള്ളിക്കര കല്ലിങ്കാലില്‍ കടല്‍ കരയിലേക്ക് ഇരച്ചുകയറി കെട്ടിടം തകര്‍ന്നു. റെഡ് മൂണ്‍ ബീച്ചിലെ കെട്ടിടമാണ് തകര്‍ന്നത്. കെട്ടിടത്തിന്റെ തറ ഉള്‍പ്പെടെ അടിഭാഗം കടലെടുത്തിട്ടുണ്ട്. വിനോദ സഞ്ചാരികള്‍ക്ക് താമസിക്കാന്‍ വേണ്ടി നിര്‍മിച്ച കോണ്‍ക്രീറ്റ് കെട്ടിടത്തിനാണ് കേടുപാടുകള്‍ സംഭവിച്ചത്.
ഈ ഭാഗത്ത് 25 മീറ്ററോളം കടല്‍ കരയിലേക്ക് കയറി. നിരവധി കാറ്റാടി മരങ്ങളും കടപുഴകി. വെള്ളിയാഴ്ച രാവിലെ മുതല്‍ കനത്ത കടലാക്രമണമാണ് നിലനില്‍ക്കുന്നത്. കഴിഞ്ഞ രണ്ടുമൂന്നു ദിവസങ്ങളിലായി തുടര്‍ച്ചയായി മഴ പെയ്യുകയാണ്. ഇതോടെ കടല്‍ക്ഷോഭവും ശക്തമാവുകയാണ്.
Next Story
