കണ്ണൂര്: കണ്ണൂര് അന്താരാഷ്ട്ര വിമാനത്താവളത്തില് 51 ലക്ഷം രൂപയുടെ സ്വര്ണം പിടികൂടി. ഷാര്ജയില് നിന്നെത്തിയ ആറളം സ്വദേശി എം ഫാസിലില് നിന്നാണ് സ്വര്ണം പിടികൂടിയത്. കസ്റ്റംസും ഡി.ആര്.ഐയും സംയുക്തമായി നടത്തിയ പരിശോധനയിലാണ് യാത്രക്കാരനില് നിന്നും സ്വര്ണം കണ്ടെടുത്തത്.
1040 ഗ്രാം തൂക്കം വരുന്ന സ്വര്ണമാണ് പിടികൂടിയത്. കഴിഞ്ഞ ആഴ്ച കോഴിക്കോട് വിമാനത്താവളത്തിലും വന്തോതില് സ്വര്ണവേട്ട നടന്നിരുന്നു. മൂന്ന് യാത്രക്കാരില് നിന്നായി 4.700 കിലോ ഗ്രാം സ്വര്ണ്ണമാണ് കരിപ്പൂരില് പിടികൂടിയത്.