തിരുവനന്തപുരം: സമൂഹമാധ്യമങ്ങളിലൂടെ പരിചയപ്പെട്ട യുവാവ് ലോഡ്ജില് കൊണ്ടുപോയി പീഡിപ്പിച്ചെന്ന പരാതിയില് യുവാവ് അറസ്റ്റില്. തിരുവനന്തപുരം അണ്ടൂര്ക്കോണം അരിയോട്ടുകോണം കോണത്തുവീട്ടില് മനു (37) ആണ് അറസ്റ്റിലായത്. ഒന്നര മാസം മുമ്പ് സോഷ്യല് മീഡിയയിലൂടെ പരിചയപ്പെട്ട യുവാവ് പത്താം ക്ലാസുകാരിയെ ലോഡ്ജില് കൊണ്ടുപോയി പീഡിപ്പിച്ചെന്നാണ് പരാതി.
പെണ്കുട്ടിയെ കാണാനില്ലെന്ന പരാതിയെ തുടര്ന്ന് കുന്നിക്കോട് പോലീസ് നടത്തിയ അന്വേഷണത്തില് പോത്തന്കോട്ട് നിന്ന് ഇരുവരെയും പിടികൂടുകയായിരുന്നു. പിന്നീട് പെണ്കുട്ടിയെ കൊല്ലം കരിക്കോട്ടുള്ള മഹിളാമന്ദിരത്തിലേക്കു മാറ്റി. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.