കിറ്റ് സില്‍ ട്രാവല്‍ ആന്‍ഡ് ടൂറിസം എം.ബി.എ ബാച്ചിലേക്ക് ഓണ്‍ലൈനായി അപേക്ഷിക്കാം
സംസ്ഥാന ടൂറിസം വകുപ്പിന്റെ മാനേജ്മെന്റ് ഇന്‍സ്റ്റിറ്റ്യൂട്ടായ കിറ്റ് സില്‍ എം.ബി.എ (ട്രാവല്‍ ആന്‍ഡ് ടൂറിസം) 2025-27 ബാച്ചിലേക്ക് ഓണ്‍ലൈനായി അപേക്ഷ ക്ഷണിച്ചു. അംഗീകൃത സര്‍വകലാശാലയില്‍ നിന്നും ഏതെങ്കിലും വിഷയത്തില്‍ 50 ശതമാനം മാര്‍ക്കോട് കൂടിയ ഡിഗ്രിയും,KMAT/ CMAT/ CAT യോഗ്യതയും ഉള്ളവര്‍ക്കും അവസാന വര്‍ഷ ഡിഗ്രി വിദ്യാര്‍ഥികള്‍ക്കുംwww.kittsedu.orgവഴി അപേക്ഷ സമര്‍പ്പിക്കാം.
കേരള സര്‍വകലാശാലകളുടേയും, എ.ഐ.സി.റ്റി.ഇ.യുടെയും അംഗീകാരത്തോടെ നടത്തുന്ന ദ്വിവത്സര കോഴ് സില്‍, ട്രാവല്‍, ടൂര്‍ ഓപ്പറേഷന്‍, ഹോസ്പിറ്റാലിറ്റി, എയര്‍പോര്‍ട്ട് മാനേജ്മെന്റ് വിഷയങ്ങളില്‍ സ്‌പെഷ്യലൈസേഷനും ജര്‍മ്മന്‍, ഫ്രഞ്ച് ഭാഷകള്‍ പഠിക്കാനും അവസരമുണ്ട്.
വിജയികളാകുന്ന വിദ്യാര്‍ഥികള്‍ക്ക് പ്ലേസ് മെന്റ് അസിസ്റ്റന്റ്‌സും നല്‍കുന്നു. എസ്.സി/ എസ്.ടി വിദ്യാര്‍ഥികള്‍ക്ക് സര്‍ക്കാര്‍ അനുവദിച്ചിട്ടുള്ള സംവരണവും ആനുകൂല്യങ്ങളും ലഭിക്കും. കൂടുതല്‍ വിവരങ്ങള്‍ക്ക്:www.kittsedu.org എന്ന വെബ് സൈറ്റുമായി ബന്ധപ്പെടുക.ഫോണ്‍: 9446529467.
