ആലപ്പുഴ: വാളയാറില് പ്രായപൂര്ത്തിയാകാത്ത പെണ്കുട്ടികളെ പീഡിപ്പിച്ച കേസിലെ പ്രതിയായിരുന്ന പ്രദീപ് കുമാറിനെ വീട്ടിനകത്ത് തൂങ്ങിമരിച്ച നിലയില് കണ്ടെത്തി. കേസിലെ മൂന്നാം പ്രതി ആയിരുന്ന പ്രദീപിനെ ചേര്ത്തല വയലാറിലെ വീടിനുള്ളില് തൂങ്ങിമരിച്ച നിലയില് കണ്ടെത്തുകയായിരുന്നു. സാമ്പത്തിക ബാധ്യതയാണ് പ്രദീപിനെ ജീവനൊടുക്കാന് പ്രേരിപ്പിച്ചതെന്ന് പൊലീസ് അന്വേഷണത്തില് സൂചന ലഭിച്ചു.
അമ്മയോടൊപ്പം ബാങ്കില് പോയി തിരികെയെത്തിയ ശേഷം മുറിയിലേക്ക് പോയ പ്രദീപിനെ ഏറെ നേരം കഴിഞ്ഞിട്ടും പുറത്തേക്ക് കണ്ടില്ല. തുടര്ന്ന് പരിശോധിച്ചപ്പോള് മുറിക്കുള്ളില് തൂങ്ങി മരിച്ച നിലയില് കണ്ടെത്തുകയായിരുന്നു. മൃതദേഹം ഇന്ക്വസ്റ്റ് നടപടികള്ക്ക് ശേഷം ചേര്ത്തല താലൂക്ക് ആസ്പത്രിയിലേക്ക് മാറ്റി.