തിരുവനന്തപുരം: ബംഗാള് ഉള്ക്കടലില് രൂപം കൊണ്ട ഗുലാബ് ചുഴലിക്കാറ്റിന്റെ സ്വാധീന ഫലമായി സംസ്ഥാനത്ത് കനത്ത മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണം കേന്ദ്രം മുന്നറിയിപ്പ് നല്കി. ഇതേ തുടര്ന്ന് മൂന്ന് ജില്ലകളില് ഓറഞ്ച് അലര്ട്ടും ബാക്കി 11 ജില്ലകളിലും യെല്ലോ അലര്ട്ടും പ്രഖ്യാപിച്ചു. എറണാകുളം, തൃശ്ശൂര്, ഇടുക്കി ജില്ലകളിലാണ് ഓറഞ്ച് അലര്ട്ട് പ്രഖ്യാപിച്ചിരിക്കുന്നത്.
മഴയ്ക്കൊപ്പം 41 മുതല് 61 കിലോമീറ്റര് വരെ േേവഗത്തില് കാറ്റുവീശാന് സാധ്യതയുണ്ടെന്നും മുന്നറിയിപ്പുണ്ട്. മത്സ്യത്തൊഴിലാളികള് നാളെ വരെ കടലില് പോകരുത്. അതേസമയം 95 കിലോമീറ്റര് വേഗത്തില് കര തൊട്ട ഗുലാബിന്റെ തീവ്രത കുറഞ്ഞ് തുടങ്ങിയതായാണ് റിപോര്ട്ട്.
തെക്കന് ഒഡീഷയിലും ആന്ധ്രയുടെ വടക്കന് ജില്ലകളിലുമാണ് കാര്യമായ നാശനഷ്ടം സംഭവിച്ചിരിക്കുന്നത്. ഗഞ്ചന്, ഗഞ്ചപട്ടി, കണ്ഡമാല് തുടങ്ങി ഒഡീഷയിലെ ഏഴു ജില്ലകളില് 48 മണിക്കൂര് നേരത്തേക്ക് റെഡ് അലേര്ട്ട് പ്രഖ്യാപിച്ചു. ഇരുസംസ്ഥാനങ്ങളിലെയും താഴ്ന്ന പ്രദേശങ്ങളില് നിന്ന് ആളുകളെ മാറ്റി പാര്പ്പിച്ചിട്ടുണ്ട്.