കാറിടിച്ച് മല്‍സ്യവില്‍പ്പനക്കാരന് പരിക്ക്

ബദിയടുക്ക: കാറിടിച്ച് മല്‍സ്യവില്‍പ്പനക്കാരന് പരിക്കേറ്റു. ബദിയടുക്ക കോളാരിയിലെ അബ്ദുല്ല(61)ക്കാണ് പരിക്കേറ്റത്. കഴിഞ്ഞ ദിവസം ഉച്ചക്ക് 12.30 മണിയോടെ ബദിയടുക്ക-മുള്ളേരിയ റോഡിലെ പിലാങ്കട്ടയിലാണ് അപകടമുണ്ടായത്. മല്‍സ്യക്കച്ചവടം കഴിഞ്ഞ് വീട്ടിലേക്ക് പോകുകയായിരുന്ന അബ്ദുല്ലയെ മുള്ളേരിയ ഭാഗത്ത് നിന്ന് വരികയായിരുന്ന കാര്‍ ഇടിക്കുകയായിരുന്നു.

അപകടത്തില്‍ സാരമായി പരിക്കേറ്റ അബ്ദുല്ല ആസ്പത്രിയില്‍ ചികില്‍സയിലാണ്. അബ്ദുല്ലയുടെ പരാതിയില്‍ കാര്‍ ഡ്രൈവര്‍ക്കെതിരെ ബദിയടുക്ക പൊലീസ് കേസെടുത്തു.