കാസര്കോട് നഗരസഭയില് കോണ്ഗ്രസ് അക്കൗണ്ട് തുറന്നു
കാസര്കോട്: കാസര്കോട് നഗരസഭയില് കോണ്ഗ്രസ് ഇത്തവണ അക്കൗണ്ട് തുറന്നു. ബി.ജെ.പിയുടെ സിറ്റിംഗ് വാര്ഡായ 11-ാം വാര്ഡ് വിദ്യാനഗര് നോര്ത്തിലാണ് കോണ്ഗ്രസ് സ്ഥാനാര്ത്ഥി വിദ്യാശ്രീ 63 വോട്ടുകള്ക്ക് വിജയിച്ചത്.
നുള്ളിപ്പാടി വാര്ഡില് വിമത ഭീഷണി ഏശിയില്ല; ബി.ജെ.പി നിലനിര്ത്തി
കാസര്കോട്: നഗരസഭയിലെ 9-ാം വാര്ഡായ നുള്ളിപ്പാടിയില് വിമത ഭീഷണി മറികടന്ന് ബി.ജെ.പി വാര്ഡ് നിലനിര്ത്തി. ബി.ജെ.പിയിലെ ശാരദയാണ് വിമതനായിരുന്ന കിരണിനെതിരെ 61 വോട്ടുകള്ക്ക് വിജയിച്ചത്.
തളങ്കര കെ.കെ. പുറം വാര്ഡില് മുസ്ലിംലീഗിന് ജയം
കാസര്കോട്: നഗരസഭയിലെ തളങ്കര കെ.കെ പുറം വാര്ഡ് മുസ്ലിംലീഗ് നിലനിര്ത്തി. ശക്തമായ മത്സരം നടന്ന ഇവിടെ ലീഗിലെ അമീര് പള്ളിയാനാണ് വിജയിച്ചത്.
പള്ളിക്കരയില് സി.പി.എം വാര്ഡ് മുസ്ലിംലീഗ് പിടിച്ചെടുത്തു
പള്ളിക്കര: പള്ളിക്കര പഞ്ചായത്തിലെ സി.പി.എം ശക്തികേന്ദ്രങ്ങളിലൊന്നായ ബങ്കാട് വാര്ഡില് മുസ്ലിംലീഗ് സ്ഥാനാര്ത്ഥിക്ക് അട്ടിമറി ജയം. പട്ടികജാതി സംവരണ വാര്ഡായ ഇവിടെ ലീഗിലെ കുമാരനാണ് വിജയിച്ചത്. 5-ാം വാര്ഡായ അമ്പങ്ങാട്ടും സി.പി.എം സ്ഥാനാര്ത്ഥി പരാജയപ്പെട്ടു. ഇവിടെ കോണ്ഗ്രസിലെ എം.പി.എ ഷാഫിയാണ് വിജയിച്ചത്.
മൊഗ്രാല്പുത്തൂര് ഏഴാം വാര്ഡില് എസ്.ഡി.പി.ഐക്ക് ജയം
മൊഗ്രാല്പുത്തൂര്: മൊഗ്രാല്പുത്തൂര് ഏഴാം വാര്ഡായ ആസാദ് നഗറില് എസ്.ഡി.പി.ഐക്ക് അട്ടിമറി ജയം. മുസ്ലിംലീഗിന്റെ സിറ്റിംഗ് വാര്ഡില് 168 വോട്ടുകള്ക്കാണ് എസ്.ഡി.പി.ഐയുടെ സമീര് വിജയിച്ചത്.
ഹൊന്നമൂലയില് സക്കീന മൊയ്തീന് ജയം
കാസര്കോട് :നഗരസഭയില് ശ്രദ്ധേയമല്സരം നടന്ന 24ാം വാര്ഡായ ഹൊന്നമൂലയില് മുസ്ലിംലീഗിന് വിജയിക്കാനായില്ല. ഇവിടെ സ്വതന്ത്ര സ്ഥാനാര്ത്ഥിയായ സക്കീന മൊയ്തീന് 200 ഓളം വോട്ടുകളുടെ ഭൂരിപക്ഷത്തില് വിജയിച്ചു.
മൊഗ്രാല് പുത്തൂരില് ആദ്യഫലം വന്ന ആറ് വാര്ഡുകളിലും മുസ്ലിം ലീഗിന് ജയം
കാസര്കോട് :മൊഗ്രാല് പുത്തൂര് പഞ്ചായത്തില് ആദ്യഫലം പുറത്തുവന്ന ആറ് വാര്ഡുകളിലും മുസ്ലിം ലീഗിന് ഉജ്വല വിജയം. ഇതില് രണ്ട് വാര്ഡുകള് ബി.ജെ.പിയില് നിന്ന് പിടിച്ചെടുക്കുകയായിരുന്നു.
ബാങ്കോട് വാര്ഡില് മുസ്ലിംലീഗിന് തകര്പ്പന് ജയം
കാസര്കോട്: നഗരസഭയില് ശക്തമായ മല്സരപ്രതീതിയുണ്ടായിരുന്ന 25ാം വാര്ഡായ തളങ്കര ബാങ്കോട്ട് മുസ്ലിംലീഗിന് തകര്പ്പന് ജയം. 313 വോട്ടുകള്ക്കാണ് മുസ്ലിംലീഗിലെ ഷാഹിദ യൂസഫ് എതിര് സ്ഥാനാര്ത്ഥി ഫര്സാന ശിഹാബുദ്ദീനെ പരാജയപ്പെടുത്തിയത്. മുസ്ലിംലീഗിന് വിമതശല്യമുണ്ടായിരുന്നതിനാല് ഏറ്റവും ശ്രദ്ധിക്കപ്പെട്ട വാര്ഡായിരുന്നു ഇത്.
മൊഗ്രാല് പുത്തൂരില് ബി.ജെ.പിയുടെ കുത്തക വാര്ഡ് ലീഗ് പിടിച്ചെടുത്തു
കാസര്കോട് :മൊഗ്രാല് പുത്തൂരിലെ ബി.ജെ.പിയുടെ കുത്തക വാര്ഡായ അഞ്ചാംവാര്ഡ്(മജല്) മുസ്ലിംലീഗ് പിടിച്ചെടുത്തു. കാലങ്ങളായി ബി.ജെ.പിയുടെ കൈവശമുണ്ടായിരുന്ന വാര്ഡ് അര്ഫീനയിലൂടെയാണ് മുസ്ലിം ലീഗ് പിടിച്ചെടുത്തത്.
കാസര്കോട് നഗരസഭയിലെ ഫോര്ട്ട് റോഡ് വാര്ഡ് മുസ്ലിംലീഗ് തിരിച്ചുപിടിച്ചു
കാസര്കോട്: കാസര്കോട് നഗരസഭയിലെ 21ാം വാര്ഡായ ഫോര്ട്ട് റോഡ് -ഫിഷ് മാര്ക്കറ്റ് മുസ്ലിംലീഗ് തിരിച്ചുപിടിച്ചു. യു.ഡി.എഫിലെ ജാഫര്കമാല് 87 വോട്ടുകള്ക്കാണ് സ്വതന്ത്രസ്ഥാനാര്ത്ഥിയും മുന് നഗരസഭ കൗണ്സിലറുമായ റാഷിദ് പൂരണത്തെ പരാജയപ്പെടുത്തിയത്. കഴിഞ്ഞ മൂന്ന് തവണയും സ്വതന്ത്ര സ്ഥാനാര്ത്ഥി വിജയിച്ച ഇവിടെ എല്ലായ്പ്പോഴും ശക്തമായ പോരാട്ടമായിരുന്നു