തിരുവനന്തപുരം: ലൗ ജിഹാദ് തടയാന് യു.പി മാതൃകയില് നിയമനിര്മാണം കൊണ്ടുവരുമെന്ന ബി.ജെ.പി സംസ്ഥാന പ്രസിഡന്റ് കെ. സുരേന്ദ്രന്റെ പ്രസ്താവനയ്ക്ക് മറുപടിയുമായി സിപിഎം ആക്ടിംഗ് സെക്രട്ടറി എ വിജയരാഘവന്. ലൗ ജിഹാദിന്റെ പേരില് ഇല്ലാത്ത ശത്രുവിനെയുണ്ടാക്കി ബിജെപി വര്ഗീയത കളിക്കുകയാണെന്ന് അദ്ദേഹം പറഞ്ഞു.
വിദ്വേഷരാഷ്ട്രീയത്തിന്റെ ഉല്പന്നമാണ് ലൗ ജിഹാദ്. ഇതിന്റെ പിന്നില് അന്യമത വിദ്വേഷം ഉണ്ടാക്കുകയാണ് ബി.ജെ.പിയുടെ ലക്ഷ്യം. കേരളത്തില് അത്തരമൊരു നിയമം നടപ്പാക്കില്ലെന്ന് മുഖ്യമന്ത്രി നേരത്തെ വ്യക്തമാക്കിയിട്ടുണ്ടെന്നും വിജയരാഘവന് പറഞ്ഞു.