മലപ്പുറം: പി.കെ.കുഞ്ഞാലിക്കുട്ടിയെ മുസ്ലിം ലീഗ് നിയമസഭാകക്ഷി നേതാവായി തെരഞ്ഞെടുത്തു. എം.കെ.മുനീറിനെ ഉപനേതാവായും, കെ.പി.എ.മജീദിനെ നിയമസഭാകക്ഷി സെക്രട്ടറിയായും തെരഞ്ഞെടുത്തു. സംസ്ഥാന നിയമസഭാ തെരഞ്ഞെടുപ്പില് കേരളത്തിലുണ്ടായ ഇടത് തരംഗത്തില് യുഡിഎഫിന് കനത്ത തിരിച്ചടി ഉണ്ടായപ്പോഴും മുസ്ലിം ലീഗിന് ഏറെക്കുറെ മികച്ച പ്രകടനം കാഴ്ചവെക്കാനായെന്ന് ലീഗ് നേതാവ് ഇ.ടി.മുഹമ്മദ് ബഷീര് പറഞ്ഞു.
ബിജെപിയുടെ അക്കൗണ്ട് ക്ലോസ് ചെയ്യുന്നതില് പ്രധാന പങ്ക് വഹിച്ചത് ലീഗാണ്. മലപ്പുറത്ത് സിപിഎമ്മിന്റെ വോട്ട് ഷെയര് കുറയ്ക്കാനായി. ആവശ്യമായ തിരുത്തലുകള്ക്ക് ലീഗ് തയ്യാറാണ്. സര്ക്കാരിന്റെ കോവിഡ് പ്രതിരോധ പ്രവര്ത്തനങ്ങളോട് ലീഗ് സഹകരിക്കുമെന്നും നേതാക്കള് പറഞ്ഞു.
മലപ്പുറം ലോക്സഭാ മണ്ഡലത്തിലടക്കം ഭൂരിപക്ഷം ഗണ്യമായി കുറഞ്ഞതും പ്രമുഖ യുവ നേതാക്കളായ കെ എം ഷാജി, പി കെ ഫിറോസ് തുടങ്ങിയവര് പരാജയപ്പെട്ടതും ലീഗിന് ക്ഷീണമുണ്ടാക്കിയിട്ടുണ്ട്. പി കെ കുഞ്ഞാലിക്കുട്ടിയുടെ കേന്ദ്രത്തില് നിന്നുള്ള തിരിച്ചുവരവിനെതിരെ പാര്ട്ടിപ്രവര്ത്തകര്ക്കിടയില് തന്നെ പ്രതിഷേധം ഉയരുന്നതിടെയാണ് നിയസഭാ കക്ഷി നേതാക്കളെ തെരഞ്ഞെടുത്തത്.