തിരുവനന്തപുരം: സംസ്ഥാന ചലച്ചിത്ര പുരസ്കാരങ്ങള് പ്രഖ്യാപിച്ചു. മികച്ച നടനായി മമ്മൂട്ടിയും മികച്ച നടിയായി വിന്സി അലോഷ്യസും തിരഞ്ഞെടുക്കപ്പെട്ടു. നന്പകല് നേരത്ത് മയക്കം എന്ന ചിത്രത്തിനാണ് മമ്മൂട്ടിക്ക് പുരസ്കാരം. രേഖ എന്ന ചിത്രമാണ് വിന്സിയെ മികച്ച നടിയാക്കിയത്. നന്പകല് നേരത്ത് മയക്കം മികച്ച ചിത്രമായി തിരഞ്ഞെടുക്കപ്പെട്ടു. മഹേഷ് നാരായണനാണ് മികച്ച സംവിധായകന്. ന്നാ താന് കേസ് കൊട് ചിത്രത്തിലെ പ്രകടനമികവിന് കുഞ്ചാക്കോ ബോബനും അപ്പന് എന്ന ചിത്രത്തിലെ പ്രകടനത്തിന് അലന്സിയറും പ്രത്യേക ജൂറി പരാമര്ശം നേടി.
മികച്ച ചലച്ചിത്ര ഗ്രന്ഥത്തിനുള്ള പുരസ്കാരമാണ് ആദ്യം പ്രഖ്യാപിച്ചത്. സി.എസ്. വെങ്കിടേശ്വരന് പുരസ്കാരത്തിന് അര്ഹനായി. മികച്ച ജനപ്രിയ ചിത്രമായി ന്നാ താന് കേസ് കൊട് തിരഞ്ഞെടുക്കപ്പെട്ടു. മികച്ച നവാഗത സംവിധായകന്: ഷാഹി കബീര് (ചിത്രം: ഇലവീഴാ പൂഞ്ചിറ) ഷോബി പോള് രാജ് ആണ് മികച്ച നൃത്തസംവിധായകന് (ചിത്രം: തല്ലുമാല) മികച്ച പിന്നണി ഗായികയായി മൃദുല വാരിയറും മികച്ച പിന്നണി ഗായകനായി കപില് കപിലനും തിരഞ്ഞെടുക്കപ്പെട്ടു. റഫീഖ് അഹമ്മദ് ആണ് മികച്ച ഗാനരചയിതാവ്. എം.ജയചന്ദ്രനാണ് മികച്ച സംഗീതസംവിധാനത്തിനുള്ള പുരസ്കാരം.