കൊച്ചി: മൂവാറ്റുപുഴയില് പ്രൊഫസര് ടി.ജെ ജോസഫിന്റെ കൈപ്പത്തിവെട്ടിമാറ്റിയ കേസില് കുറ്റക്കാരെന്ന് കണ്ടെത്തിയ ആറ് പ്രതികളുടെയും ശിക്ഷ വിധിച്ച് കോടതി. മുഖ്യപ്രതികളായ പ്രതികളായ സജില്, എം കെ നാസര്, നജീബ് എന്നിവര്ക്ക് ജീവപര്യന്തം തടവ് ശിക്ഷ വിധിച്ചു. കൊച്ചിയിലെ എന്.ഐ.എ കോടതിയാണ് വിധി പറഞ്ഞത്. 9, 11, 12 പ്രതികളായ നൗഷാദും മൊയ്തീന് കുഞ്ഞും അയൂബും 3 വര്ഷം വീതം തടവ് അനുഭവിക്കണം. മൂന്ന് വര്ഷം ശിക്ഷിക്കപ്പെട്ടവര്ക്ക് കോടതി ജാമ്യം അനുവദിച്ചു. ടിജെ ജോസഫിന് എല്ലാം പ്രതികളും ചേര്ന്ന് 4 ലക്ഷം രൂപ കൊടുക്കണമെന്നും കോടതി നിര്ദ്ദേശിച്ചു. വിവിധ വകുപ്പുകളിലായി ആദ്യ മൂന്ന് പ്രതികള് 2.85 ലക്ഷം പിഴ നല്കണം. അവസാന മൂന്ന് പ്രതികള് 20,000 രൂപയും പിഴ നല്കണം. പ്രതികളുടെ പിഴ സംഖ്യയില് നിന്ന് പ്രൊഫസര് ടി ജെ ജോസഫിന് 4 ലക്ഷം രൂപ നഷ്ട പരിഹാരം നല്കണമെന്നുമാണ് കോടതി നിര്ദ്ദേശം. നേരത്തെ പ്രഖ്യാപിച്ച പിഴ ശിക്ഷയ്ക്ക് പുറമെയാണിത്.