നെഹ്‌റു ട്രോഫി വളളംകളി കാണാന്‍ അവസരമൊരുക്കി കെ.എസ്.ആര്‍.ടി.സി ബജറ്റ് ടൂറിസം സെല്‍
നെഹ്രുട്രോഫിയുടെ റോസ് കോര്‍ണര്‍, വിക്ടറി ലൈന്‍ എന്നീ കാറ്റഗറിയിലാണ് പ്രവേശനം നല്‍കുന്നത്
നെഹ്‌റു ട്രോഫി വളളംകളി കാണാന്‍ അവസരമൊരുക്കി കെ.എസ്.ആര്‍.ടി.സി ബജറ്റ് ടൂറിസം സെല്‍. വളളംകളിയുടെ ടിക്കറ്റ് സഹിതമാണ് കെ.എസ്.ആര്‍.ടി.സിയില്‍ യാത്ര ക്രമീകരിച്ചിരിക്കുന്നത്. വിവിധ ജില്ലകളില്‍ നിന്നുള്ള വള്ളംകളി പ്രേമികള്‍ക്കാണ് ഇതുവഴി അവസരമൊരുങ്ങുന്നത്. ഓളപ്പരപ്പിലെ ഒളിംമ്പിക്‌സ് ആയ നെഹ്രുട്രോഫി വളളം കളിയുടെ ആവേശം നേരിട്ട് അനുഭവിച്ചറിയാം.
ആലപ്പുഴ പുന്നമടക്കായലില്‍ നടക്കുന്ന കായല്‍ ജലോത്സവത്തില്‍ പങ്കെടുക്കാന്‍ വിവിധ ജില്ലകളില്‍ നിന്നും ആവശ്യാനുസരണം ചാര്‍ട്ടേഡ് ബസ് ഒരുക്കി നെഹ്രുട്രോഫിയുടെ റോസ് കോര്‍ണര്‍, വിക്ടറി ലൈന്‍ എന്നീ കാറ്റഗറിയിലാണ് പ്രവേശനം നല്‍കുന്നത്.
മറ്റു ജില്ലകളില്‍ നിന്നും ആലപ്പുഴയില്‍ നേരിട്ട് എത്തുന്നവര്‍ക്ക് നെഹ്രുട്രോഫി വളളം കളി കാണാന്‍ പാസ്സ് എടുക്കാനായി പ്രത്യേക കൗണ്ടര്‍ ആലപ്പുഴ ഡിപ്പോയില്‍ പ്രവര്‍ത്തനം ആരംഭിക്കും. എല്ലാതരം പാസ്സുകളും ഈ ടിക്കറ്റ് കൗണ്ടറില്‍ നിന്നും ലഭ്യമാകും. 2022 ല്‍ 1,75,100/ രൂപയുടെ ടിക്കറ്റുകളും, 2023 ല്‍ 2,99,500 /രൂപയുടെ ടിക്കറ്റുകളും കെ.എസ്.ആര്‍.ടി.സി ബജറ്റ് ടൂറിസം സെല്‍ മുഖേന വില്‍ക്കുവാന്‍ കഴിഞ്ഞിട്ടുണ്ട്. മുണ്ടക്കൈ ദുരന്തത്തിന് ശേഷം മാറ്റി വച്ച 2024 ലെ വളളംകളി ടിക്കറ്റ് വില്‍പന 1,16,500 നേടി. എങ്കിലും പ്രതീക്ഷിച്ചത്ര നേട്ടം ഉണ്ടാക്കാന്‍ കഴിഞ്ഞില്ല.
ടിക്കറ്റ് ലഭിക്കാന്‍
9846475874 എന്ന നമ്പറിലേക്ക് പേര്, ഏത് കാറ്റഗറിയിലുളള പാസ്, എത്ര പേര്‍ക്ക് എന്നീ വിവരങ്ങള്‍ സഹിതം വാട്ട്‌സ് ആപ്പ് മെസ്സേജ് അയച്ച് ആലപ്പുഴ ഡിപ്പോയിലെ ബജറ്റ് ടൂറിസം സെല്ലിന്റെ ക്യൂ ആര്‍ കോഡിലേക്ക് ഓണ്‍ലൈനായി പണമടച്ചാല്‍ ടിക്കറ്റ് കയ്യില്‍ കിട്ടും. ഈ ടിക്കറ്റുകള്‍ വള്ളംകളി നടക്കുന്ന 2025 ആഗസ്റ്റ് 30 നോ, അതിന് മുമ്പുള്ള ദിവസമോ ആലപ്പുഴ കെ.എസ്.ആര്‍.ടി.സി ഡിപ്പോയിലെ സ്‌പെഷല്‍ കൗണ്ടറില്‍ നിന്ന് കൈപ്പറ്റി വള്ളംകളി കാണാന്‍ അവസരം നല്‍കും.
ആലപ്പുഴ ജില്ല കൂടാതെ കോട്ടയം, എറണാകുളം, പത്തനംതിട്ട തിട്ട, കൊല്ലം, തിരുവനന്തപുരം ജില്ലകളിലെ സ്‌പെഷ്യല്‍ കൗണ്ടര്‍ മുഖേനയും, ജില്ലാ കോ ഓര്‍ഡിനേറ്റര്‍മാര്‍ മുഖേനയും കെ.എസ്.ആര്‍.ടി.സി ബജറ്റ് ടൂറിസം സെല്‍ ടിക്കറ്റുകള്‍ വില്‍പന നടത്തിവരുന്നു.
