റീ ചാര്‍ജ് ചെയ്യാനാവാത്തതിനാല്‍ കണക്ഷന്‍ നഷ്ടമാകുമെന്ന പരാതി ഇനി വേണ്ട; പ്രവാസികള്‍ക്കായി ഒരു വര്‍ഷം വാലിഡിറ്റിയുള്ള റോമിംഗ് പ്ലാനുമായി എയര്‍ടെല്‍
ഈ പ്ലാനില്‍ പരിധിയില്ലാത്ത ഡാറ്റയ്‌ക്കൊപ്പം ഓട്ടോമാറ്റിക് ആക്ടിവേഷന്‍, ഇന്‍-ഫ്‌ലൈറ്റ് കണക്റ്റിവിറ്റി തുടങ്ങിയ സവിശേഷതകളും ലഭ്യമാണെന്ന് കമ്പനി അവകാശപ്പെടുന്നു.
പ്രവാസികള്‍ക്കായി ഒരു വര്‍ഷം വാലിഡിറ്റിയുള്ള റോമിംഗ് പ്ലാന്‍ അവതരിപ്പിച്ച് എയര്‍ടെല്‍. ഇതോടെ വിദേശ രാജ്യങ്ങളിലുള്ള ഇന്ത്യക്കാര്‍ക്ക് റീ ചാര്‍ജ് ചെയ്യാനാവാത്തതിനെ തുടര്‍ന്ന് കണക്ഷന്‍ നഷ്ടമാകുന്നു എന്നതടക്കമുള്ള പരാതിക്ക് പരിഹാരം കണ്ടിരിക്കുകയാണ് എയര്‍ടെല്‍. ഇന്റര്‍നാഷണല്‍ റോമിംഗ് പോര്‍ട്ട് ഫോളിയോയില്‍ പ്രധാന അപ് ഗ്രേഡാണ് എയര്‍ടെല്‍ പ്രഖ്യാപിച്ചിട്ടുള്ളത്.
എന്‍.ആര്‍.ഐകള്‍ക്കും സ്ഥിരമായി യാത്ര ചെയ്യുന്നവര്‍ക്കും ഒരുപോലെ പ്രയോജനപ്പെടുന്നതാണ് പുതിയ പ്ലാന്‍ എന്ന് എയര്‍ടെല്‍ അവകാശപ്പെടുന്നു. ഈ പുതിയ അന്താരാഷ്ട്ര റോമിംഗ് പ്ലാനുകളിലൂടെ, ഇന്ത്യന്‍ യാത്രക്കാര്‍ക്കും എന്‍ആര്‍ഐകള്‍ക്കും തടസരഹിതമായ ആഗോള കണക്റ്റിവിറ്റി എയര്‍ടെല്‍ ഉറപ്പാക്കുന്നു.
ഈ പുതിയ എയര്‍ടെല്‍ റീചാര്‍ജ് പ്ലാനില്‍ 189 രാജ്യങ്ങളിലെ കണക്റ്റിവിറ്റി ലഭ്യമാകും എന്നതിനാല്‍ വ്യത്യസ്ത റീചാര്‍ജ് പാക്കുകളെക്കുറിച്ചോ റോമിംഗ് സോണുകളെക്കുറിച്ചോ ആശങ്കപ്പെടേണ്ടതില്ല. ലളിതവും താങ്ങാനാവുന്നതും തടസരഹിതവുമായ റോമിംഗ് അനുഭവം വാഗ്ദാനം ചെയ്യുന്നതിനായി ഇന്ത്യയിലെ ആദ്യത്തെ അണ്‍ലിമിറ്റഡ് ഐആര്‍ പ്ലാനുകളാണ് കമ്പനി അവതരിപ്പിച്ചിരിക്കുന്നത്.
ഈ പ്ലാനില്‍ പരിധിയില്ലാത്ത ഡാറ്റയ്‌ക്കൊപ്പം ഓട്ടോമാറ്റിക് ആക്ടിവേഷന്‍, ഇന്‍-ഫ്‌ലൈറ്റ് കണക്റ്റിവിറ്റി തുടങ്ങിയ സവിശേഷതകളും ലഭ്യമാണെന്ന് കമ്പനി അവകാശപ്പെടുന്നു. ഈ പ്ലാനില്‍ ഓട്ടോ-റിന്യൂവല്‍ ഓപ്ഷനും ഉണ്ട്.
4,000 രൂപ വിലയുള്ള ഈ പ്രത്യേക അന്താരാഷ്ട്ര റോമിംഗ് പ്ലാനിന് ഒരു വര്‍ഷത്തെ വാലിഡിറ്റിയുണ്ട്. ഈ പ്ലാന്‍ പ്രകാരം ഉപയോക്താക്കള്‍ക്ക് 5 ജിബി അന്താരാഷ്ട്ര റോമിംഗ് ഡാറ്റയും വിദേശത്ത് ഉപയോഗിക്കുന്നതിന് 100 വോയ്സ് മിനിറ്റുകളും ലഭിക്കും. ഇന്ത്യയില്‍, ഉപഭോക്താക്കള്‍ക്ക് ഒരേ നമ്പര്‍ ഉപയോഗിച്ച് അണ്‍ലിമിറ്റഡ് കോളിംഗ് ആനുകൂല്യങ്ങള്‍ക്കൊപ്പം പ്രതിദിനം 1.5 ജിബി ഡാറ്റയും ആസ്വദിക്കാന്‍ കഴിയും. ഇത് പ്രത്യേക റീചാര്‍ജുകളുടെ ആവശ്യകത ഇല്ലാതാക്കുന്നു.
എയര്‍ടെല്ലിന്റെ ഈ പുതിയ റീചാര്‍ജ് പ്ലാനില്‍ വിമാനത്തിനുള്ളില്‍ കണക്റ്റിവിറ്റി, വിവിധ രാജ്യങ്ങളില്‍ ലാന്‍ഡ് ചെയ്യുമ്പോള്‍ സേവനങ്ങള്‍ ഓട്ടോമാറ്റിക്കായി ആക്ടിവേറ്റ് ചെയ്യല്‍, 24ഃ7 കസ്റ്റമര്‍ സപ്പോര്‍ട്ട് എന്നിവ ഉള്‍പ്പെടുന്നു. ഈ പ്ലാന്‍ ഉപയോഗിച്ച്, ഉപയോക്താക്കള്‍ക്ക് സോണുകളോ പായ്ക്കുകളോ തിരഞ്ഞെടുക്കേണ്ടതില്ല, ഈ ഒരൊറ്റ പ്ലാന്‍ എല്ലാം ഉള്‍ക്കൊള്ളുന്നു.
എയര്‍ടെല്‍ താങ്ക്‌സ് ആപ്പ് ഉപയോഗിച്ച് ഉപഭോക്താക്കള്‍ക്ക് അവരുടെ ഉപയോഗം നിയന്ത്രിക്കാനും ബില്ലിംഗ് പരിശോധിക്കാനും അധിക ഡാറ്റയും മിനിറ്റുകളും ചേര്‍ക്കാനും കഴിയും. റീചാര്‍ജ് ചെയ്യുന്നതിന്, ഉപഭോക്താക്കള്‍ക്ക് എയര്‍ടെല്‍ താങ്ക്‌സ് ആപ്പ് അല്ലെങ്കില്‍ പേടിഎം, ജിപേ തുടങ്ങിയ മറ്റ് പ്ലാറ്റ് ഫോമുകള്‍ ഉപയോഗിക്കാം.
എയര്‍ടെല്‍ താങ്ക്‌സ് ആപ്പിലൂടെ സമാനതകളില്ലാത്ത സൗകര്യം, താങ്ങാനാവുന്ന വില, തടസമില്ലാത്ത നിയന്ത്രണം എന്നിവ വാഗ്ദാനം ചെയ്യുന്നതിലൂടെ, കമ്പനി ടെലികോം വ്യവസായത്തില്‍ ഒരു പുതിയ മാനദണ്ഡം സ്ഥാപിക്കുകയാണ്. നിങ്ങള്‍ ബിസിനസിനോ, വിനോദത്തിനോ, വിദേശത്ത് ദീര്‍ഘകാല താമസത്തിനോ യാത്ര ചെയ്യുകയാണെങ്കിലും ഏറ്റവും പുതിയ ഐആര്‍ പ്ലാനുകള്‍ ഇപ്പോള്‍ മുമ്പത്തേക്കാള്‍ ലളിതവും മികച്ചതും താങ്ങാനാവുന്നതുമാണെന്ന് ഉറപ്പാക്കുന്നതായും കമ്പനി പറയുന്നു.
