ലയണല്‍ മെസിയും ടീമും നവംബറില്‍ കേരളത്തിലേക്ക് എത്തില്ലെന്ന് സ്ഥിരീകരിച്ച് സ്‌പോണ്‍സര്‍; ആരാധകര്‍ക്ക് നിരാശ
ഫിഫയുടെ അംഗീകാരം ലഭിക്കുന്നതില്‍ കാലതാമസം നേരിട്ടതാണ് മാറ്റിവയ്ക്കലിന് കാരണമെന്നും അഗസ്റ്റിന്‍
കൊച്ചി: കൊച്ചിയില്‍ നടക്കാനിരുന്ന സൗഹൃദ മത്സരം മാറ്റിവച്ചതോടെ ലയണല്‍ മെസ്സിയെയും അര്‍ജന്റീന ഫുട്‌ബോള്‍ ടീമിനെയും കാണാന്‍ കേരളം ഇനിയും കാത്തിരിക്കേണ്ടിവരും. ശനിയാഴ്ച സമൂഹ മാധ്യമങ്ങളിലൂടെ പരിപാടിയുടെ സ്‌പോണ്‍സര്‍ ആന്റോ അഗസ്റ്റിന്‍ ആണ് ഇക്കാര്യം അറിയിച്ചത്.
നവംബര്‍ 17 ന് ജവഹര്‍ലാല്‍ നെഹ്റു അന്താരാഷ്ട്ര സ്റ്റേഡിയത്തില്‍ ആദ്യം നിശ്ചയിച്ചിരുന്ന മത്സരത്തില്‍ അര്‍ജന്റീന ഒരു മുന്‍നിര അന്താരാഷ്ട്ര ടീമിനെതിരെ മത്സരിക്കുമെന്ന് പ്രതീക്ഷിച്ചിരുന്നു. ഫിഫയുടെ അംഗീകാരം ലഭിക്കുന്നതില്‍ കാലതാമസം നേരിട്ടതാണ് മാറ്റിവയ്ക്കലിന് കാരണമെന്നും അഗസ്റ്റിന്‍ ചൂണ്ടിക്കാട്ടി.
'അര്‍ജന്റീന ഫുട്‌ബോള്‍ അസോസിയേഷനുമായുള്ള ചര്‍ച്ചകള്‍ക്ക് ശേഷം, നവംബര്‍ വിന്‍ഡോയില്‍ നിന്ന് മത്സരം മാറ്റിവയ്ക്കാന്‍ തീരുമാനിച്ചു,' എന്നാണ് അദ്ദേഹം ഫേസ്ബുക്കില്‍ കുറിച്ചത്. അടുത്ത അന്താരാഷ്ട്ര വിന്‍ഡോയില്‍ പുതിയ തീയതി പ്രഖ്യാപിക്കുമെന്നും അദ്ദേഹം പറഞ്ഞു.
എന്നാല്‍ ഇതുസംബന്ധിച്ച ഔദ്യോഗിക അറിയിപ്പ് ഇതുവരെ ലഭിച്ചിട്ടില്ലെന്ന് കായിക മന്ത്രി വി അബ്ദുറഹ്‌മാന്റെ ഓഫീസ് അറിയിച്ചു. 'ബന്ധപ്പെട്ട അധികാരികളുമായി ഞങ്ങള്‍ ഏകോപിപ്പിക്കുകയും പുതുക്കിയ ഷെഡ്യൂള്‍ സ്ഥിരീകരിക്കുകയും ചെയ്യും,' എന്നും ഉദ്യോഗസ്ഥന്‍ പറഞ്ഞു.
മത്സരത്തിന് മുന്നോടിയായി സൗകര്യങ്ങള്‍ പരിശോധിക്കാന്‍ അര്‍ജന്റീന ഫുട്‌ബോള്‍ അസോസിയേഷന്റെ പ്രതിനിധികള്‍ നേരത്തെ കൊച്ചി സ്റ്റേഡിയം സന്ദര്‍ശിച്ചിരുന്നു. കേരളത്തിലെ ഫുട്‌ബോള്‍ ആരാധകര്‍ ഇനി ദേശീയ ടീമിനെയും മെസ്സിയെയും കളിയാക്കുന്നത് കാണാന്‍ അടുത്ത അന്താരാഷ്ട്ര ജാലകത്തിനായി കാത്തിരിക്കേണ്ടിവരും.
അംഗോളയില്‍ മാത്രം കളിക്കുമെന്ന അര്‍ജന്റീന ഫുട്‌ബോള്‍ അസോസിയേഷന്‍ പ്രഖ്യാപനത്തിന് പിന്നാലെയാണ് സ്ഥിരീകരണവുമായി സ്‌പോണ്‍സര്‍ അഗസ്റ്റിന്‍ രംഗത്തെത്തിയത്. വിഷയത്തില്‍ കേരളത്തെ പഴിക്കുകയാണ് എഎഫ്എ ഭാരവാഹികള്‍. കേരളം മത്സരത്തിന് സജ്ജം അല്ലെന്ന് എഎഫ്എ ഭാരവാഹികളെ ഉദ്ധരിച്ച് അര്‍ജന്റീനയിലെ മാധ്യമങ്ങള്‍ റിപ്പോര്‍ട്ട് ചെയ്യുന്നു. നിശ്ചിത സമയത്ത് ക്രമീകരണങ്ങള്‍ പൂര്‍ത്തിയാക്കിയില്ലെന്നും റിപ്പോര്‍ട്ടുണ്ട്.
നവംബര്‍ 17ന് അര്‍ജന്റീന കൊച്ചിയില്‍ കളിക്കും എന്നായിരുന്നു നേരത്തെ സര്‍ക്കാരും സ്‌പോണ്‍സറും പറഞ്ഞത്. എന്നാല്‍ ഇപ്പോള്‍ മാര്‍ച്ചില്‍ മെസ്സി വരുമെന്ന് സ്‌പോണ്‍സര്‍ പറയുന്നു. എന്നാല്‍, മാര്‍ച്ചില്‍ വരേണ്ടെന്നാണ് സര്‍ക്കാരും സ്‌പോണ്‍സറും ഇതുവരെ പറഞ്ഞിരുന്നത്.
അര്‍ജന്റീന ടീമിന്റെയും മെസിയുടെയും കേരള സന്ദര്‍ശനത്തില്‍ കേരള സര്‍ക്കാരിനെതിരെ അര്‍ജന്റീന ഫുട്‌ബോള്‍ അസോസിയേഷന്‍ രംഗത്തെത്തിയതിന് പിന്നാലെ രാഷ്ട്രീയ വിവാദവും ഉടലെടുത്തിരുന്നു. പ്രതിപക്ഷം വിഷയം രാഷ്ട്രീയ ആയുധമാക്കി മാറ്റുകയും ചെയ്തിരുന്നു.
2011 സെപ്റ്റംബറിലാണ് മെസി ഇതിന് മുമ്പ് ഇന്ത്യയിലെത്തിയത്. അന്ന് കൊല്‍ക്കത്ത സാള്‍ട്ട് ലേക്ക് സ്റ്റേഡിയത്തില്‍ വെനസ്വേലക്കെതിരെ അര്‍ജന്റീന കുപ്പായത്തില്‍ സൗഹൃദ മത്സരത്തിലും ലയണല്‍ മെസി കളിച്ചിരുന്നു. അര്‍ജന്റീന നായകനായുള്ള മെസിയുടെ അരങ്ങേറ്റ മത്സരം കൂടിയായിരുന്നു ഇത്.
