നീലേശ്വരത്ത് മുഹമ്മദ് റാഫി

നീലേശ്വരം: നീലേശ്വരം നഗരസഭാ ചെയര്‍മാനായി സി.പി.എമ്മിലെ പി.പി മുഹമ്മദ് റാഫിയെ തിരഞ്ഞെടുത്തു. യു.ഡി.എഫിലെ ഇ. ഷജീറിനെ 13നെതിരെ 21 വോട്ടുകള്‍ക്ക് പരാജയപ്പെടുത്തിയാണ് റാഫി ചെയര്‍മാനായി തിരഞ്ഞെടുക്കപ്പെട്ടത്. കണിച്ചിറ വാര്‍ഡില്‍ നിന്നുമാണ് മുഹമ്മദ് റാഫിയെ നഗരസഭാ കൗണ്‍സിലറായി തിരഞ്ഞെടുത്തത്. മുഹമ്മദ് റാഫിയെ എ.വി സുരേന്ദ്രന്‍ നിര്‍ദ്ദേശിക്കുകയും പി.വി സതീശന്‍ പിന്താങ്ങുകയും ചെയ്തു. ഷജീറിനെ എ. രാജം നിര്‍ദ്ദേശിച്ചു. മുസ്ലിംലീഗിലെ എന്‍.എ നദീറ പിന്താങ്ങി. സി.പി.എം ജില്ലാ കമ്മിറ്റി അംഗമായ മുഹമ്മദ് റാഫി സംസ്ഥാന ഹജ്ജ് കമ്മിറ്റി അംഗം കൂടിയാണ്.