നാഷണല് ഹെറാള്ഡ് കേസില് സോണിയക്കും രാഹുലിനും ആശ്വാസം
ഇ.ഡിയുടെ കുറ്റപത്രം ഡല്ഹി കോടതി സ്വീകരിച്ചില്ല
ന്യൂഡല്ഹി: നാഷണല് ഹെറാള്ഡ് കേസില് ഡല്ഹി കോടതി എന്ഫോഴ്സ്മെന്റ് ഡയറക്റ്ററേറ്റിന്റെ കുറ്റപത്രം സ്വീകരിച്ചില്ല. അന്വേഷണം തുടരണമെന്ന് നിര്ദ്ദേശിച്ച കോടതി, കുറ്റപ്പത്രത്തില് ഇടപെടാന് വിസമ്മതിക്കുകയായിരുന്നു. ഇതോടെ സോണിയ ഗാന്ധിക്കും രാഹുല് ഗാന്ധികുകം വലിയ ആശ്വാസമായി. സ്വകാര്യ അന്യായത്തിന്റെ അടിസ്ഥാനത്തിലാണ് കുറ്റപ്പത്രം. കേസില് എഫ്.ഐ.ആര് എടുത്തിട്ടില്ല. ഈ നടപടികള് പൂര്ത്തിയാക്കി വീണ്ടും അന്വേഷണം നടത്തണമെന്ന് കോടതി നിര്ദ്ദേശിച്ചു. കേസില് ഏപ്രില് 15നാണ് സോണിയ ഗാന്ധിക്കും രാഹുല് ഗാന്ധിക്കുമെതിരെ ഇ.ഡി കുറ്റപത്രം സമര്പ്പിച്ചത്. നാഷണല് ഹെറാള്ഡ് പത്രം പ്രസിദ്ധീകരിച്ചിരുന്ന അസോസിയേറ്റഡ് ജേര്ണല് ലിമിറ്റഡ് യങ് ഇന്ത്യ ലിമിറ്റഡ് ഏറ്റെടുത്തതില് സാമ്പത്തിക ക്രമക്കേട് നടന്നതായാണ് ഇ.ഡിയുടെ കണ്ടെത്തല്. നാഷണല് ഹെറാള്ഡ് പത്രവും അനുബന്ധ സ്വത്തുക്കളുമായി ബന്ധപ്പെട്ട് ഗാന്ധി കുടുംബം വന്തോതില് കള്ളപ്പണം വെളുപ്പിച്ചെന്നാണ് ഇ.ഡിയുടെ കണ്ടെത്തല്. കള്ളപ്പണം വെളുപ്പിക്കലിലൂടെ 142 കോടി രൂപയുടെ ലാഭം ഗാന്ധി കുടുംബം സ്വന്തമാക്കിയെന്നാണ് വാദം.
