ഇനി മെസ്സേജുകള്‍ കിടുക്കും!! വാട്‌സ്ആപ്പില്‍ 5 പുതിയ ഫീച്ചറുകള്‍
ജനപ്രിയ മെസേജിംഗ് പ്ലാറ്റ്‌ഫോമുകളിലൊന്നായ വാട്‌സ് ആപ്പ് കൂടുതല്‍ ജനകീയമാക്കാന്‍ ദിനംപ്രതി നിരവധി പുതിയ ഫീച്ചറുകള്‍ ആണ് അവതരിപ്പിക്കുന്നത്. വാട്‌സ്ആപ്പ് ഉപയോക്താക്കളുടെ അനുഭവം മികവുറ്റതാക്കാന്‍ ആന്‍ഡ്രോയ്ഡ്, ഐഒഎസ്, ഡെസ്‌ക് ടോപ്പ് പതിപ്പുകളിലുടനീളം വിവിധ സവിശേഷതകളാണ് ഉള്‍പ്പെടുത്തിക്കൊണ്ടിരിക്കുന്നത്. വാട്‌സ്ാപ്പ് ചാറ്റുകള്‍ കൂടുതല്‍ രസകരവും സംവേദനാത്മകവുമാക്കാന്‍ അഞ്ച് ജനുവരിയില്‍ പുതിയ ഫീച്ചറുകള്‍ അവതരിപ്പിച്ചിരുന്നു. എന്നാല്‍ നിങ്ങള്‍ക്ക് ഇതുവരെ ഈ അപ്‌ഡേറ്റുകള്‍ ലഭിച്ചിട്ടില്ലെങ്കില്‍, ഉടന്‍ പ്ലേ സ്റ്റോറില്‍ പോയി വാട്‌സ് ആപ്പ് അപ്‌ഡേറ്റ് ചെയ്യൂ.
ജനുവരിയില്‍ വാട്‌സ്ആപ്പില്‍ ഉള്‍പ്പെടുത്തിയ ചില അപ്‌ഡേറ്റുകള്‍
1. വ്യക്തിഗതമാക്കിയ സന്ദേശമയക്കല്‍
ഉപയോക്താക്കളുടെ ഫോട്ടോകള്‍ സ്റ്റിക്കറുകളാക്കി മാറ്റാന്‍ സഹായിക്കുന്ന ഫോട്ടോ സ്റ്റിക്കറുകളും സ്റ്റിക്കര്‍ പായ്ക്ക് ലിങ്കുകളുമാണ് വാട്‌സ് ആപ്പ് പുതുതായി അവതരിപ്പിച്ചത്. ഇതുവഴി നിങ്ങള്‍ക്ക് സ്റ്റിക്കറുകള്‍ വ്യക്തിഗതമാക്കാനും സുഹൃത്തുക്കളുമായുള്ള ലിങ്കുകള്‍ വഴി സ്റ്റിക്കര്‍ പായ്ക്കുകള്‍ പങ്കിടാനും സാധിക്കും. തീര്‍ച്ചയായും, ചാറ്റുകള്‍ കൂടുതല്‍ പ്രകടമാക്കുന്നതിനുള്ള ആകര്‍ഷകമായ ഒരു മാര്‍ഗം തന്നെയാണിത്.
2. നമ്പറുകള്‍ സേവ് ചെയ്യാതെ വിളിക്കാം
സോഷ്യല്‍ മീഡിയയില്‍ ഉയര്‍ന്ന നിരവധി അഭ്യര്‍ത്ഥനകള്‍ക്ക് ശേഷം വാട് സ് ആപ്പ് ഐഫോണുകള്‍ക്കായി ഒരു ബില്‍റ്റ്-ഇന്‍ ഡയല്‍ പാഡ് ചേര്‍ത്തു. ഉപയോക്താക്കള്‍ക്ക് കോള്‍സ് ടാബില്‍ നിന്ന് നേരിട്ട് ഏത് നമ്പറിലേക്കും ആദ്യം ഒരു കോണ്‍ടാക്റ്റ് ആയി സേവ് ചെയ്യാതെ തന്നെ വിളിക്കാന്‍ ഈ ഫീച്ചര്‍ സഹായകമാകുന്നു. ഇത് ഒറ്റത്തവണ കോളുകളും വേഗത്തിലുള്ള ഡയലുകളും വളരെ എളുപ്പവും സൗകര്യപ്രദവുമാക്കുന്നു.
3. ഫോട്ടോകള്‍ക്കുള്ള പശ്ചാത്തല ഇഫക്റ്റുകള്‍
വ്യക്തിഗത ചാറ്റുകളില്‍ അയയ്ക്കുന്നതിന് മുമ്പ് ഉപയോക്താക്കള്‍ക്ക് അവരുടെ ഫോട്ടോകള്‍ കസ്റ്റമൈസ് ചെയ്യാന്‍ വാട്‌സ് ആപ്പ് സഹായിക്കും. ഫോട്ടോകള്‍ ദൃശ്യപരമായി കൂടുതല്‍ ആകര്‍ഷകവുമാക്കുന്നതിന് പശ്ചാത്തല ഇഫക്റ്റുകള്‍, ഫില്‍ട്ടറുകള്‍ തുടങ്ങിയവ ചേര്‍ക്കാന്‍ സാധിക്കും.
4. വാട്‌സ് ആപ്പ് എഐ സ്റ്റുഡിയോ
ഉപയോക്താക്കള്‍ക്ക് എഐ പവര്‍ ചെയ്ത കഥാപാത്രങ്ങളുമായി സംവദിക്കാന്‍ കഴിയുന്ന എഐ സ്റ്റുഡിയോ ഫീച്ചര്‍ ആണ് മറ്റൊന്ന്. സാംസ്‌കാരിക ഐക്കണുകള്‍ മുതല്‍ പോപ്പ്-കള്‍ച്ചര്‍ വ്യക്തികള്‍ വരെയുള്ളവരുമായി സംഭാഷണങ്ങളില്‍ ഏര്‍പ്പെടാന്‍ ഇഷ്ടപ്പെടുന്ന ഉപയോക്താക്കള്‍ക്കായി ഈ സവിശേഷത രൂപകല്‍പ്പന ചെയ്തിരിക്കുന്നു. എഐ സ്റ്റുഡിയോ പ്ലാറ്റ് ഫോം ഉപയോഗിക്കുന്ന ഏതൊരാള്‍ക്കും സന്ദേശമയയ്ക്കല്‍ കൂടുതല്‍ രസകരവും സംവേദനാത്മകവുമാക്കുന്നു.
5. പെട്ടെന്നുള്ള പ്രതികരണത്തിന് ഡബിള്‍ ടാപ്പിംഗ്
ഡബിള്‍ ടാപ്പ് ജെസ്റ്റര്‍ ഉപയോഗിച്ച് സന്ദേശങ്ങളോട് എളുപ്പത്തില്‍ പ്രതികരിക്കാന്‍ ഈ പുതിയ ഫീച്ചര്‍ അനുവദിക്കും. ആന്‍ഡ്രോയ്ഡിലും ഐഫോണിലും ഈ ഫീച്ചര്‍ ലഭ്യമാകും. ഒരു സന്ദേശം ദീര്‍ഘനേരം അമര്‍ത്തിപ്പിടിക്കുന്നതിനുപകരം, ഒരു ഇമോജി പ്രതികരണം കൊണ്ടുവരാന്‍ രണ്ടുതവണ ടാപ്പ് ചെയ്യാം. ഇത് ടെക്സ്റ്റ് സന്ദേശങ്ങള്‍, മീഡിയ ഫയലുകള്‍, വോയ്‌സ് നോട്ടുകള്‍ തുടങ്ങിയവയില്‍ പോലും പ്രവര്‍ത്തിക്കുന്നു. സംഭാഷണങ്ങള്‍ വേഗത്തിലാക്കുകയും ചെയ്യുന്നു.
