ഷാര്ജ: ഷാര്ജയില് മലയാളി യുവാവ് കുത്തേറ്റു മരിച്ചു. പാലക്കാട് മണ്ണാര്ക്കാട് സ്വദേശിയും ഷാര്ജയിലെ ഹൈപ്പര്മാര്ക്കറ്റില് മാനേജറുമായ ഹക്കീം (36) ആണ് മരിച്ചത്. ആക്രമണത്തില് മറ്റ് രണ്ട് മലയാളികള്ക്കും ഒരു ഈജിപ്ത് പൗരനും പരിക്കേറ്റു. പ്രതിയായ പാകിസ്താന് പൗരനെ ഷാര്ജ പൊലീസ് അറസ്റ്റ് ചെയ്തു.
ഇന്നലെയാണ് സംഭവം. ഷാര്ജയിലെ ഹൈപ്പര്മാര്ക്കറ്റിലെ മാനേജര് ആയിരുന്നു ഹക്കീം. ഇവിടെ ഒപ്പം ജോലിചെയ്യുന്ന ആളുകളും തൊട്ടടുത്തുള്ള കഫ്റ്റീരിയയിലെ പാകിസ്താന് പൗരനുമായി ഉണ്ടായ തര്ക്കം പരിഹരിക്കാന് ഹക്കീം എത്തിയപ്പോഴാണ് ആക്രമണമുണ്ടായത്. സംസാരിക്കുന്നതിനിടെ പ്രകോപിതനായ പാക്ക് പൗരന് ഹക്കീമിനെ കത്തിക്കൊണ്ട് കുത്തികൊലപ്പെടുത്തുകയായിരുന്നു.
ഹക്കീമിനൊപ്പം താമസിച്ചിരുന്ന കുടുംബാംഗങ്ങള് അടുത്തിടെയാണ് നാട്ടിലേക്ക് മടങ്ങിയത്. ഷാര്ജയില് നിന്ന് മൃതദേഹം നാട്ടിലേക്ക് കൊണ്ടുവരാനുള്ള നടപടിക്രമങ്ങള് തുടങ്ങി.