തിരുവനന്തപുരം: സംസ്ഥാനത്ത് ലോക്ക്ഡൗണ് ഇളവുകള് പ്രഖ്യാപിച്ചു. ലോക്ഡൗണ് ജൂണ് ഒമ്പത് വരെ നീട്ടിയ സാഹചര്യത്തിലാണ് അത്യാവശ്യകാര്യങ്ങള്ക്കായി ചില ഇളവുകള് പ്രഖ്യാപിച്ചത്. കടകളുടെ കാര്യത്തിലും ബാങ്കുകളുടെ കാര്യത്തിലുമെല്ലാം ഇളവുകള് പ്രഖ്യാപിച്ചു. ഇന്നുചേര്ന്ന കോവിഡ് അവലോകന യോഗത്തിലാണ് തീരുമാനമുണ്ടായത്.
- കയര്, കശുവണ്ടി, പ്രിന്റിംഗ് പ്രസുകള് ഉള്പ്പെടെയുള്ള സംസ്ഥാനത്തെ എല്ലാ വ്യവസായ സ്ഥാപനങ്ങള്ക്കും ആവശ്യമായ മിനിമം ജീവനക്കാരെ ഉപയോഗിച്ച് തുറന്നുപ്രവര്ത്തിക്കാം. ജീവനക്കാരുടെ എണ്ണം 50 ശതമാനത്തിന് മുകളിലാകാന് പാടില്ല.
- വ്യവസായ സ്ഥാപങ്ങള്ക്ക് ആവശ്യമായ അസംസ്കൃത വസ്തുക്കളും മറ്റും നല്കുന്ന സ്ഥാനപങ്ങളും കടകളും ചൊവ്വ, വ്യാഴം, ശനി ദിവസങ്ങളില് അഞ്ചു മണി വരെ പ്രവര്ത്തിക്കാം.
- ബാങ്കുകളും മറ്റു ധനകാര്യ സ്ഥാപനങ്ങളും നിലവിലുള്ളതിന് സമാനമായി ആഴ്ചയില് മൂന്നു ദിവസം (തിങ്കള്, ബുധന്, വെള്ളി) തന്നെ പ്രവര്ത്തിക്കും. അതേസമയം പ്രവര്ത്തി സമയം വൈകീട്ട് അഞ്ചു മണി വരെയാക്കി ദീര്ഘിപ്പിച്ചു.
- വിഭ്യാഭ്യാസ ആവശ്യത്തിനുള്ള പുസ്തകങ്ങള് വില്ക്കുന്ന കടകള്, വിവാഹ ആവശ്യത്തിനുള്ള ടെക്സ്റ്റൈല്, സ്വര്ണം, പാദരക്ഷ എന്നീ കടകള് തിങ്കള്, ബുധന്, വെള്ളി ദിവസങ്ങളില് രാവിലെ ഒമ്പത് മണി മുതല് വൈകീട്ട് അഞ്ചു വരെ തുറക്കാം.
- കള്ളുഷാപ്പുകളില് കോവിഡ് പ്രോട്ടോക്കോള് അനുസരിച്ച് കള്ള് പാഴ്സല് ആയി നല്കാം.
- പാഴ്വസ്തുക്കള് സൂക്ഷിക്കുന്ന സ്ഥലങ്ങളില് അവ മാറ്റുന്നതിനായി ആഴ്ചയില് രണ്ട് ദിവസം തുറന്നുപ്രവര്ത്തിക്കാം.
- വ്യാവസായ മേഖലകളില് അത്യാവശ്യത്തിന് കെഎസ്ആര്ടിസി സര്വീസ് അനുവദിക്കും