ഹയര്‍സെക്കണ്ടറി കോഴ്‌സ് പ്രൈവറ്റ് രജിസ്ട്രേഷന്:ഒന്നാം വര്‍ഷ വിദ്യാര്‍ഥികള്‍ പരീക്ഷാഫീസ് അടയ്ക്കണം
ഒന്നാം വര്‍ഷ ഓറിയന്റേഷന്‍ ക്ലാസിന്റെ തീയതികള്‍ പരീക്ഷാകേന്ദ്രങ്ങളില്‍ നിന്നും അറിയാം
തിരുവനന്തപുരം: സ്‌കോള്‍-കേരള മുഖേന ഹയര്‍സെക്കണ്ടറി കോഴ്‌സ് 2025-27 ബാച്ചില്‍ പ്രൈവറ്റ് രജിസ്ട്രേഷന് അപേക്ഷിച്ച് ഇതിനകം നിര്‍ദിഷ്ട രേഖകള്‍ സമര്‍പ്പിച്ച വിദ്യാര്‍ഥികള്‍ക്ക് പരീക്ഷ കേന്ദ്രം അനുവദിക്കുന്ന നടപടികള്‍ പൂര്‍ത്തിയായി. രജിസ്ട്രേഷന് സമയത്ത് വിദ്യാര്‍ഥികള്‍ക്ക് അനുവദിച്ചിട്ടുള്ള യൂസര്‍നെയിം, പാസ് വേഡ്
എന്നിവ ഉപയോഗിച്ച് www.scolekerala.orgവെബ് സൈറ്റ് മുഖേനതിരിച്ചറിയര്‍ കാര്‍ഡ് ഡൗണ്‍ലോഡ് ചെയ്‌തെടുത്ത് അനുവദിച്ചിട്ടുള്ള പരീക്ഷാകേന്ദ്രം, കോഡിനേറ്റിംഗ് ടീച്ചറുടെ മേലൊപ്പും സ്‌കൂള്‍ സീലും വാങ്ങണം.
വിദ്യാര്‍ഥികള്‍ക്ക് അനുവദിച്ചിട്ടുള്ള പരീക്ഷാകേന്ദ്രങ്ങളില്‍ പരീക്ഷാവിജ്ഞാപനം അനുസരിച്ച് ഒന്നാം വര്‍ഷ പരീക്ഷാഫീസ് അടയ്ക്കണം. ഒന്നാം വര്‍ഷ ഓറിയന്റേഷന്‍ ക്ലാസിന്റെ തീയതികള്‍ പരീക്ഷാകേന്ദ്രങ്ങളില്‍ നിന്നും അറിയാവുന്നതാണെന്നും എക്‌സിക്യൂട്ടീവ് ഡയറക്ടര്‍ അറിയിച്ചു. ജില്ലാ കേന്ദ്രങ്ങളില്‍ നിന്നും വിവരങ്ങള്‍ ലഭിക്കും. കൂടുതല്‍ വിവരങ്ങള്‍ക്ക്: 0471-2342950, 2342271.
