തിരുവനന്തപുരം: ഏപ്രില് 14 വരെ സംസ്ഥാനത്ത് ഇടിമിന്നലോടുകൂടിയ മഴയ്ക്കും ശക്തമായ കാറ്റിനും സാധ്യതയെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ്. ഇതേ തുടര്ന്ന് രണ്ട് ജില്ലകളില് യെല്ലോ അലര്ട്ട് പ്രഖ്യാപിച്ചു. ഏപ്രില് 12നും 14നും ഇടുക്കിയിലും, 14ന് വയനാട്ടിലും യെല്ലോ അലേര്ട്ട് പ്രഖ്യാപിച്ചു.
30-40 കിലോ മീറ്റര് വേഗതയില് വരെ കാറ്റ് വീശിയടിച്ചേക്കാമെന്ന് മുന്നറിയിപ്പില് പറയുന്നു. ഉച്ചക്ക് രണ്ട് മണി മുതല് രാത്രി 10 മണിവരെയുള്ള സമയത്ത് ഇടിമിന്നലിനുള്ള സാധ്യത കൂടുതലാണ്. ചില സമയങ്ങളില് രാത്രി വൈകിയും ഇത് തുടര്ന്നേക്കാം. മലയോര മേഖലയില് ഇടിമിന്നല് സജീവമാകാനാണ് സാധ്യത.