ഈ വര്‍ഷത്തെ ഏറ്റവും കുറഞ്ഞ പെട്രോള്‍ വില..!! ഡിസംബറിലെ ഇന്ധന വില പ്രഖ്യാപിച്ച് യു.എ.ഇ

2024 ഡിസംബര്‍ മാസത്തെ ഇന്ധന വില പ്രഖ്യാപിച്ച് യു.എ.ഇ ഇന്ധന വില നിര്‍ണയ കമ്മിറ്റി. ഡിസംബര്‍ ഒന്ന് മുതല്‍ വില പ്രാബല്യത്തില്‍ വരും. സൂപ്പര്‍ 98 പെട്രോളിന്റെ വില ലിറ്ററിന് 2.61 ദിര്‍ഹമായി. നവംബറില്‍ ഇത് 2.74 ആയിരുന്നു. സ്‌പെഷ്യല്‍ 95 പെട്രോളിന്റെ വില, നവംബറിലെ 2.63ല്‍ നിന്ന് ലിറ്ററിന് 2.50 ദിര്‍ഹമായി കുറഞ്ഞു. ഇ-പ്ലസ് 91 പെട്രോളിന്റെ വില 2.43 ദിര്‍ഹമാണ് ഒരു ലിറ്ററിന് . നവംബറില്‍ വില 2.55 ദിര്‍ഹം ആയിരുന്നു. ഡീസലിന്റെ വില 2.67 ല്‍ നിന്ന് 2.68 ദിര്‍ഹമായി വര്‍ധിച്ചു. 2024 ല്‍ പ്രഖ്യാപിച്ചതില്‍ ഏറ്റവും കുറവ് പെട്രോള്‍ വിലയാണ് ഡിസംബറില്‍ ഉണ്ടായിരിക്കുന്നത്. ഡിസംബറില്‍ ഫുള്‍ ടാങ്ക് പെട്രോള്‍ അടിച്ചാല്‍ നവംബര്‍ മാസത്തെ അപേക്ഷിച്ച് 6.12 ദിര്‍ഹത്തിനും 9.62 ദിര്‍ഹത്തിനും ഇടയില്‍ കുറവ് വരും.