ഒരു മുറിയില്‍ ചാരു കസേരയില്‍ ഇരിക്കുന്ന മമ്മൂട്ടി; 'ബസൂക്ക' യുടെ ഏറ്റവും പുതിയ പോസ്റ്റര്‍ പുറത്ത്; ഏറ്റെടുത്ത് ആരാധകര്‍

മമ്മൂട്ടിയുടെ ഓരോ ചിത്രവും ആരാധകര്‍ ആവേശത്തോടെയാണ് സ്വീകരിക്കുന്നത്. മമ്മൂട്ടി നായകനായി എത്തുന്ന ഏറ്റവും പുതിയ ചിത്രമായ ബസൂക്കയുടെ പോസ്റ്റര്‍ ആണ് ഇപ്പോള്‍ ശ്രദ്ധനേടുന്നത്. പോസ്റ്ററില്‍ ഒരു മുറിയില്‍ ചാരു കസേരയില്‍ ഇരിക്കുന്ന മമ്മൂട്ടിയെ ആണ് കാണുന്നത്. ഏപ്രില്‍ 10ന് ആണ് ബസൂക്ക തിയറ്ററുകളില്‍ എത്തുന്നത്. നേരത്തെ ഫെബ്രുവരി 14ന് ആയിരുന്നു റിലീസ് പ്രഖ്യാപിച്ചിരുന്നത്.

ഡിനോ ഡെന്നിസ് തിരക്കഥയും സംവിധാനവും ചെയ്യുന്ന ചിത്രം പ്രഖ്യാപനം മുതല്‍ ശ്രദ്ധനേടിയിരുന്നു. കാപ്പ, അന്വേഷിപ്പിന്‍ കണ്ടെത്തും എന്നീ ചിത്രങ്ങള്‍ക്ക് ശേഷം സരിഗമയും തിയേറ്റര്‍ ഓഫ് ഡ്രീംസും ചേര്‍ന്ന് നിര്‍മ്മിക്കുന്ന ചിത്രം കൂടിയാണ് ബസൂക്ക.

മമ്മൂട്ടിക്കൊപ്പം പ്രശസ്ത തമിഴ് സംവിധായകനും നടനുമായ ഗൗതം വാസുദേവ് മേനോനും പ്രധാന കഥാപാത്രത്തെ അവതരിപ്പിക്കുന്നു. ബെഞ്ചമിന്‍ ജോഷ്വാ എന്ന കഥാപാത്രമായാണ് ഗൗതം മേനോന്‍ ചിത്രത്തില്‍ എത്തുന്നത്. സിദ്ധാര്‍ത്ഥ് ഭരതന്‍, ബാബു ആന്റണി, ഹക്കീം ഷാജഹാന്‍, ഭാമ അരുണ്‍, ഡീന്‍ ഡെന്നിസ്, സുമിത് നേവല്‍, ദിവ്യാ പിള്ള, സ്ഫടികം ജോര്‍ജ് എന്നിവരാണ് മറ്റ് പ്രധാന താരങ്ങള്‍.

എക്‌സിക്യൂട്ടീവ് പ്രൊഡ്യൂസര്‍ - സൂരജ് കുമാര്‍, കോ പ്രൊഡ്യൂസര്‍ - സാഹില്‍ ശര്‍മ, ഛായാഗ്രഹണം - നിമിഷ് രവി, സെക്കന്റ് യൂണിറ്റ് ക്യാമറ - റോബി വര്‍ഗീസ് രാജ്, എഡിറ്റിംഗ് - നിഷാദ് യൂസഫ്, പ്രവീണ്‍ പ്രഭാകര്‍, സംഗീതം - മിഥുന്‍ മുകുന്ദന്‍, പ്രൊജക്റ്റ് ഡിസൈനര്‍- ബാദുഷ എം എം, കലാസംവിധാനം - ഷിജി പട്ടണം, അനീസ് നാടോടി, വസ്ത്രാലങ്കാരം - സമീറ സനീഷ്, അഭിജിത്, മേക്കപ്പ്- ജിതേഷ് പൊയ്യ, എസ് ജോര്‍ജ്, സംഘട്ടനം- മഹേഷ് മാത്യു, വിക്കി, പി സി സ്റ്റണ്ട്‌സ്, മാഫിയ ശശി, ചീഫ് അസോസിയേറ്റ് - സുജിത്, പ്രൊഡക്ഷന്‍ കണ്‍ട്രോളര്‍ - സഞ്ജു ജെ, ഡിജിറ്റല്‍ മാര്‍ക്കറ്റിങ്- മാര്‍ക്കറ്റിംഗ്: ബ്രിങ് ഫോര്‍ത്ത് അഡ്വര്‍ടൈസിംഗ്, വിഷ്ണു സുഗതന്‍, പിആര്‍ഒ - ശബരി എന്നിവരാണ് മറ്റ് അണിയറ പ്രവര്‍ത്തകര്‍.

Related Articles
Next Story
Share it