ഫിനിഷിംഗ് ഇല്ലാത്ത സ്വര്‍ണക്കുതിപ്പ്; പവന് 63440 രൂപയായി

കൊച്ചി: സംസ്ഥാനത്ത് സ്വര്‍ണവിലയില്‍ കുതിപ്പ് തുടരുന്നു. ഇന്ന് പവന് 200 രൂപ കൂടി 63440 രൂപയിലെത്തി. ഗ്രാമിന് 25 രൂപ കൂടി 7930 രൂപയായി. പുതുവര്‍ഷം പിറന്നതു മുതല്‍ സ്വര്‍ണ വിലയില്‍ ഉയര്‍ച്ചയാണ് ഭൂരിഭാഗം ദിനങ്ങളിലും ഉണ്ടായത്. പവന് 57000 ല്‍ ഉണ്ടായിരുന്ന വില ഒരു മാസം പിന്നിടുമ്പോള്‍ 6440 രൂപയുടെ വര്‍ധനവാണ് ഉണ്ടായിരിക്കുന്നത്. സ്വര്‍ണവില ഈ വര്‍ഷം 65000 കടക്കുമെന്ന വിപണി വിദഗ്ദ്ധരുടെ പ്രവചനം ഫലിക്കാന്‍ അധിക ദൂരമൊന്നുമില്ല. സ്വര്‍ണവില കഴിഞ്ഞാഴ്ച മിക്ക ദിനങ്ങളിലും സര്‍വകാല റെക്കോര്‍ഡില്‍ ആണ് വ്യാപാരം നടത്തിയത്. കഴിഞ്ഞ മൂന്ന് ദിവസത്തിനിടെ 1800 രൂപയാണ് കൂടിയത്. വെള്ളിനിരക്കില്‍ മാറ്റമില്ല. ഒരുഗ്രാം സാധാരണ വെള്ളിക്ക് 106 രൂപയിലാണ് വ്യാപാരം നടക്കുന്നത്. ഹാള്‍മാര്‍ക്ക് വെള്ളിയുടെ വില മാസങ്ങളായി രേഖപ്പെടുത്തിയിട്ടില്ല.