ഇതെന്ത് മറിമായം!! നാലാം ദിനവും മാറ്റമില്ലാതെ സ്വര്‍ണവില
സംസ്ഥാനത്തെ സ്വര്‍ണവില തുടര്‍ച്ചയായ നാലാം ദിനവും ഒരേ വിലയില്‍ തുടരുകയാണ്. താഴേക്ക് കുതിച്ച വിലയില്‍ തന്നെ തുടരുകയാണ് നാലാം ദിനവും.വിലയില്‍ മാറ്റമില്ലാതെ തുടരുന്നത് ഇനി വലിയ സംഖ്യയിലേക്ക് കൂടാനാണോ എന്ന ആശങ്കയിലാണ് സ്വര്‍ണപ്രേമികള്‍. പുതുവര്‍ഷം പിറന്നതുമുതല്‍ വിലയില്‍ ഉയര്‍ച്ച രേഖപ്പെടുത്തിയ സ്വര്‍ണത്തിന് കഴിഞ്ഞ ശനിയാഴ്ചയാണ് ആശ്വാസമെന്നോണം വില 320 രൂപ കുറഞ്ഞത്. പവന് 57720 രൂപ രേഖപ്പെടുത്തിയതിന് പിന്നാലെ നാലാം ദിനവും വില മാറ്റമില്ലാതെ തുടരുകയാണ്. ഇന്നും ഒരു പവന് 57,720 രൂപയാണ് വില. ഒരു ഗ്രാം സ്വര്‍ണത്തിന് വില 7215 രൂപ. ഡിസംബര്‍ 11,12 തീയതികളില്‍ പവന് 58,280 രൂപയിലെത്തിയതാണ് സമീപകാലത്തെ ഏറ്റവും ഉയര്‍ന്ന നിരക്ക്. പുതുവര്‍ഷത്തിലെ ട്രെന്‍ഡ് ഇത് മറികടക്കുമെന്ന സൂചനയാണ് നല്‍കുന്നത്.
അതേസമയം, വെള്ളിയുടെ വിലയില്‍ ഇന്ന് വര്‍ധനവുണ്ട്. മാത്രമല്ല, കഴിഞ്ഞ വര്‍ഷം സ്വര്‍ണവിലയില്‍ വന്‍ വര്‍ധനവുണ്ടായ പോലെ വെള്ളി വിലയാണ് ഈ വര്‍ഷം ഉയരുക എന്നാണ് വിലയിരുത്തല്‍.വെള്ളിയുടെ വിലയില്‍ ഗ്രാമിന് 97 രൂപയായി. രണ്ട് രൂപയുടെ വര്‍ധനവാണുള്ളത്. ഒരു കിലോ വെള്ളിയ്ക്ക് 97000 രൂപ വരും.
ജനുവരിയിലെ സ്വര്‍ണവില (പവനില്‍)
ജനുവരി 01: | 57,200 |
ജനുവരി 02: | 57,440 |
ജനുവരി 03: | 58,080 |
ജനുവരി 04: | 57,720 |
ജനുവരി 05: | 57,720 |
ജനുവരി 06: | 57,720 |
ജനുവരി 07: | 57,720 |
